＜＜紋身師──存於平泊殘缺的瑰麗＞＞: 第六章：唯信其有

　　就在＂白夜紋身店＂下，儀式之火在褐色瓦盤內隨意擺動。

　　「好好好，你兩個大大步檻過個火盤呀下！」口裡叼著一根香煙的白髮男人催促二人。

　　林乙蹲在旁邊添加起報紙，畫紙，衣紙什麼的，口中還念念有詞。

　　說話的男人是「煙神」，口袋裡總有不知名牌子的香煙。

　　十年前，林鐵仁(鐵哥)死後他就接手了紋身店。有一個怪癖，會在每次完成紋身後，在客人身上燙上一個煙蒂孔。





　　『睇下邊個留得耐啲。』他還會這樣說。

　　「你檻先。」呀肥推了大飛一把。

　　「過左咁多年你地都仲係咁迷信架喎。」呀飛一邊抱怨一邊跨步。

　　「轉頭仲要用碌柚葉沖涼添呀！」煙神補充。

　　「係咁靈既，當初呀飛就唔洗……」話說到一半，在呀肥跨步的同時就跘了一下，還差點一腳踏向火盤。





　　「拿拿拿，你睇你，寧可信奇有呀。」十號從不知那裡冒出，挖苦了他一句。

　　繼續說：「睇你地都身無分文架喇，一陣帶你地去食餐好，我既！」

　　向來儉財的他在這句也算包含了想念之情吧。

　　「咁難得呀，咁我都去喇。」煙神不意外地搶先加入。

　　「我又去，我又去。」林乙也撒嬌地說。





　　十號假裝謊張：「喂，我話帶佢兩個咋喎，你地又做咩爭住去呀？煙叔你唔洗番去陪老婆咩？Ｂ女你又話忙住考公開試既？」

　　「老婆幾時都有得陪啦，十哥萬歲喎，點都要去既。」煙神嘴角露出奸笑。

　　「唔忙唔忙，溫少一晚半晚書唔會肥既。」林乙擺擺手笑說。

　　「今晚一於敍敍舊！你兩個快Ｄ去沖涼。」煙神溫柔地發出命令般的語氣。

　　「Ｙｅｓ，ｓｉｒ！」呀肥竟然改不了口的不自覺回應。

　　「哈哈哈哈」眾人止不住的笑。

待續……