[誤墜]係獅隧口落車 就出左事: ６５

雖然唔係好理解到白大叔既意味、但我感受到眼前白大叔叫我帶埋佢個女走既迫切性！ 

兩人一貓，不停咁向住水路既盡頭奔跑。 

我忽然冷笑左下，大概近幾日內我跑過既路程，比得上甚至多於我平時一年內既距離總和…… 

「阿壯，你會唔會有野跌落左係你當初轆落黎地方既附近？」小白問。 

就黎跑到盡頭既我地，最急切既就係要搵到『界』既出口。 





跌左……？屌，突然醒起－－我娘親叫我去換果盒蘿蔔糕啊！ 

「應該有個紅色袋，跌左係附近！」 

「喵喵喵！」無啦啦、依貓望住一個方向猛叫。 

「阿壯！果邊！」小白指住一個方向。 

依貓目光既盡頭係一棵樹……上面勾住左一個紅色袋－－我盒蘿蔔糕！ 





「係該度喇，跑出上去先，唔好諗！」 

我扶住小白爬左上斜坡，佢再比手我扶返上去。 

經過棵樹，唉、我諗盒蘿蔔糕都唔要得架喇。 

爬到出去欄杆位置，我地向前跨過左個欄杆、本來寂靜的環境突然驟變！ 

『蓬、蓬！』車輛高速地在我身邊的獅隧公路行駛。 





 

突然，我有一種莫名其妙既感動，同埋心入面有一股熾熱既暖流走勻我全身。 

胸口豁然抒一口氣、然後因莫名的興奮而快速不停起伏－－ 

我終於走得返出黎喇！ 

我本來想熊抱小白，表示我心入面現有既無比興奮。 

但見到小白皺住眉、開始企唔直個人，好似好辛苦咁既樣…… 

－－長時間吸過白家提供既『氧』再係外面呼吸就會受唔住太污濁而窒息死。 

出事！小白承受唔住界外既空氣！ 





「嗚……呃……」小白臉色帶紫、發出辛苦既咽喉聲。 

點算好，點算好，點算好……！ 

咦，點解我冇事既？ 

－－「佢係你身邊應該無問題……照顧好我個女。」白大叔說。 

唔通…… 

我單手抱住小白，扶起佢塊面、吻了下去－－我們的初吻。 

原來，這個白素妮的雙唇是如此溫婉暖棉，吻內、我地彼此交換了一下體息。 





本來繃緊既小白情況好像有點好轉，之後透過雙唇緊接住我、大口大口地吸允我腔內既空氣。 

小白漸漸放鬆係我懷內，轉而環抱住我、繼續和我接吻。 

突然，小白用力推開左我、退後兩步、掩住自己櫻唇。 

眼見小白面色亦由窒息既帶紫恢復透紅嫩白……好像沒事了、令我再次抒一口氣。 

「你你你……你做咩阿？」小白口窒窒低住頭，左手撫住起伏不斷既左胸口。 

「我……我我個心跳得好快、好快阿……咁大個女都未試過咁。」講住，佢塊面已經唔止透紅、甚至變成嫣紅色。 

咁既情況、我話唔話你聽你頭先差啲瓜柴好阿，ＳＯＮＹ姊？