[誤墜]係獅隧口落車 就出左事: ５２
係十字路口轉左、氣來氣喘橫過小橋既兩大一細－－正正係我、白素妮、同埋我肩上既靚妹『八千代』。
一切都好順利，有條路比我走、有人質係手、咁多人都捉唔住我地兩個……
好似一切都好順利……順利到有啲出奇。
過橋之後，我地沿路直去……我問小白、問佢識唔識路。
「小白，你認唔認得前面既路？」
「其實……我好少出白祠，最遠都只係去到公園附近……」
出事，原來小白都係唔識路！
轉彎之後，我地跑上樓梯、沿途竟然一直都無人！
望住四維迎來既景物，唔知點解驀地驚覺附近越黎越眼熟！
眼下係一區住宅、旁住一條斜坡，住宅既大門由一道鐵閘鎖上。
閘門上寫住－－『請溫柔細力叩門』。
噠、噠、噠、噠、噠…… 由遠至近既拖鞋踏步聲……
去到門口停左……仆街，我仲於記得伊到係邊樹！
果種腳步聲、對我見死不救既眼神，我一定記得！
但勢估唔到、又走返入黎咁既掘頭路！
「屌！揀錯路行喇今次！」我拖住小白打算趁仲未有人追到黎、加快返轉頭搵路走。
「唔係，你冇揀錯。」一句唔咸唔淡既廣東話係身後傳出。
一望，身後宅門竟然打開左－－係鐵閘行出黎既係一個黑目男人。
個男人頭髮蓬鬆、油頭肥面、唇上留住一行橫鬚，身穿白背心、短褲、踢住人字拖咁行出黎。
笑逐顏開既佢，肥肉夾住雙目、令我差啲睇唔到佢對變得唔詭異既黑眼。
「唔係揀錯！係你根本無得揀，只得一條路通、就係通黎我到。」佢『呵呵』乾笑兩聲。
唔咸唔淡既廣東話、又肥、又麻甩，令我諗起一個個名又係好白既藝人……
「真係麻煩哂你！湊返我孫女返黎！唔該哂！唔該哂！」
仆街！原來根本唔係有路可逃，由頭到尾都係引渡緊我走黎佢門口！
見佢行過黎拍拍兩手，好似想抱返走個細路女既時候，當我唔全在咁款、我已經即時想發難！
但個肥佬眼神一厲。
『獨、獨獨、獨獨獨獨獨獨獨獨獨獨獨獨獨獨獨……」瞬間、四方八面湧出了頭戴烏鴉口罩既黑目人！
「睇黎你唔係好清楚自己既情況喎……細路。』
當我心入面講緊『唔咸唔淡真係好難頂……』既時候，我後頸上多了一下被木桿接觸既感覺！
我不由自主咁、視角由水平趺緊落地……最後一個影像係個肥佬係到奸笑、同埋小白好緊張咁衝緊過黎想扶我……
但我……已經眼前漆黑、失去知覺。
一切都好順利，有條路比我走、有人質係手、咁多人都捉唔住我地兩個……
好似一切都好順利……順利到有啲出奇。
過橋之後，我地沿路直去……我問小白、問佢識唔識路。
「小白，你認唔認得前面既路？」
「其實……我好少出白祠，最遠都只係去到公園附近……」
出事，原來小白都係唔識路！
轉彎之後，我地跑上樓梯、沿途竟然一直都無人！
望住四維迎來既景物，唔知點解驀地驚覺附近越黎越眼熟！
眼下係一區住宅、旁住一條斜坡，住宅既大門由一道鐵閘鎖上。
閘門上寫住－－『請溫柔細力叩門』。
噠、噠、噠、噠、噠…… 由遠至近既拖鞋踏步聲……
去到門口停左……仆街，我仲於記得伊到係邊樹！
果種腳步聲、對我見死不救既眼神，我一定記得！
但勢估唔到、又走返入黎咁既掘頭路！
「屌！揀錯路行喇今次！」我拖住小白打算趁仲未有人追到黎、加快返轉頭搵路走。
「唔係，你冇揀錯。」一句唔咸唔淡既廣東話係身後傳出。
一望，身後宅門竟然打開左－－係鐵閘行出黎既係一個黑目男人。
個男人頭髮蓬鬆、油頭肥面、唇上留住一行橫鬚，身穿白背心、短褲、踢住人字拖咁行出黎。
笑逐顏開既佢，肥肉夾住雙目、令我差啲睇唔到佢對變得唔詭異既黑眼。
「唔係揀錯！係你根本無得揀，只得一條路通、就係通黎我到。」佢『呵呵』乾笑兩聲。
唔咸唔淡既廣東話、又肥、又麻甩，令我諗起一個個名又係好白既藝人……
「真係麻煩哂你！湊返我孫女返黎！唔該哂！唔該哂！」
仆街！原來根本唔係有路可逃，由頭到尾都係引渡緊我走黎佢門口！
見佢行過黎拍拍兩手，好似想抱返走個細路女既時候，當我唔全在咁款、我已經即時想發難！
但個肥佬眼神一厲。
『獨、獨獨、獨獨獨獨獨獨獨獨獨獨獨獨獨獨獨……」瞬間、四方八面湧出了頭戴烏鴉口罩既黑目人！
「睇黎你唔係好清楚自己既情況喎……細路。』
當我心入面講緊『唔咸唔淡真係好難頂……』既時候，我後頸上多了一下被木桿接觸既感覺！
我不由自主咁、視角由水平趺緊落地……最後一個影像係個肥佬係到奸笑、同埋小白好緊張咁衝緊過黎想扶我……
但我……已經眼前漆黑、失去知覺。