[誤墜]係獅隧口落車 就出左事: ５１
眼下有種奇怪既感覺，點解會特別有條路比我走到出黎？
我顧唔到太多，只可以繼續跑。
通過路既盡頭、跑到一個十字路口，見到一名身形比較碩大既黑目人。
佢擋係路既中心，我可以百份之二百肯定、比佢再捉住就再踢邊到都唔會有用！
因為我手上有住個細路女，眼下接近我既黑目人已經棄用手上木桿，改用手拿。
二話不說，佢已經準備動手將我擒住、聽到後邊越黎越多腳步聲接近、我已經唔可以再浪費時間！
弱點……口罩……口罩係佢地既弱點！
我兩下箭步，向前一迸、目標係眼前大舊黑目佬既口罩。
大概這個黑目人完全沒估計到我會反其道而行、非但無躲避，更係撲過去！
仆你個街，你仲唔死？
我一手摘左佢個烏鴉形口罩落黎！
但，眼前男人除左呆一呆之後、完全沒有異樣！我最期待既畫面沒有出現！
－－黑家既人唔可以出『界』外，否則會承受唔到外面既空氣
弊！原來黑目人會戴口罩會因為身處界外，界內既話、有冇都冇所謂！
係佢懷中既我、馬上比佢龐大既身軀環抱住！
即使任憑小白點樣扭打拳腳、佢都不為所動！
咬！
多隻個細路女教曉我，生死關頭、點樣走得甩冇人會理你，最緊要有命走返出黎！
我一口死命咁咬住個大隻佬，終於佢痛到忍唔住鬆左一鬆手！
我趁機掙開佢，推左一把、佢有點失衡地退了幾步，靠在一桿鐵柱。
『啪噠！』幾聲傳出，好似微波爐叮住過熱既食物既聲係大隻佬到傳出！
出煙既大隻佬應聲倒地，焦焦既肉味慢慢傳出……
嘔……我一望條柱，見到『危險』二字，同埋一啲已經外露既電線……
真係唔知係我好彩，定佢唔好彩、如果我早一步撞左埋去，熟左既已經係我……
我企左係原地，神經為突如其來的『燒肉』死狀給麻痺意志。
但小白拉左拉我衣袖、望住十字路口既其他通路。
迫近既人影、腳步聲越黎越近，只能夠繼續走、繼續走……