[誤墜]係獅隧口落車 就出左事: ５０

小白捉緊我隻手、原來只有我手心出汗，而佢隻手依然冰冷。 

眼神堅定、毫不畏懼既白素妮，只係捉實我一步一步就退後，雙眼緊緊盯住進迫而近既一群黑目人。 

銳利既眼神，令我覺得、咁先係真正既小白。 

相較之下、我變得遜色下來，好似企係小白後邊受保護緊咁。 

我講過、唔會比你有事！ 





眼下、即使用個靚妹做人質、面對咁大範圍既包抄，根本唔可能全身而退。 

四周圍都係湧近既黑目人，竟然比我望到有一條路係吉出黎…… 

 

我無多餘既考慮時間，見路就擔起個細路女係膊頭、拖住小白，見路就跑！ 

竟然有條路乜人都冇，唔通咁叫天無絕人之路？ 





錯！ 

左右兩邊小巷湧黎既黑目人打算來個夾擊！ 

死命跑的我們使一、兩對左右而至既黑目人撲了個空，互相撞了個正著。 

但路既盡頭竟然都有黑目人把守！ 

「獨、獨獨………」又黎，把守路口既黑目人又再把玩手上既木桿！ 





究竟佢地想點！ 

我打算強行突破眼前一人，但必需要避開接觸那枝未懂功能既木桿…… 

唯有…… 

「行撚開呀！」我舉起個細路女做擋箭牌，果然黑目人一個愕然、迫不得以放棄手上既木桿…… 

但我錯喇，佢唔用木桿接觸我、唔代表唔可以用自己本人欄截我。 

我被佢行強抱住，身上肩起個細路女既我亦都唔可以輕鬆自如我掙脫佢。 

一旁既小白竟然突然狠狼的一腳，正中那黑目人『那兒』。 

那個可憐的黑目人冒著冷汗、發抖地跪在地上。 





哇……好狠痛既腳、好狠狼既白素妮，睇黎我打後都要小心啲先得。 

小白對我笑一笑，拖住我繼續行。