[誤墜]係獅隧口落車 就出左事: ４９

只係純粹既直角，碰巧地被我一擊即中。 

梯邊既企係到既係擁有詭奇渾黑雙目既小女孩。 

「妹妹，你係咪叫『八千代』？」白大叔同我交待過－－黑家兩母女既名。 

小女孩點點頭，今次既我有哂心理準備、加上日光日白、仲要有小白係身邊，我表現得毫不膽怯。 

「我知你媽媽係邊喇，你媽媽叫『紫逅』丫嘛！」 





小女孩再次點頭，而我就主動伸手去拖住佢、準備拉佢去獨棟小屋…… 

得手喇！估唔到咁輕鬆，果然、眼前既細路女完全係唔知黑白兩家既事。 

轉身就打算起行既我，發現另一端手既主人唔肯跟我走。 

當我擰返過去既時候，見到小女孩指住我地原黎既公園入口。 

「但係，果啲哥哥好似唔想比你走……」 





佢未講完小白已經背靠緊行過黎。 

我感到現場氣氛突然不同，有種令人透不過氣來的感覺。 

「獨、獨獨、獨獨獨獨獨獨」 

回神過來，已經發現公園既四方八面充斥住口戴烏鴉罩既黑目人－－ 

佢地手中木桿交替拍打起落，令到『獨獨』聲係現場巡迴住一個詭異既節拍、不停迴響。 





本來想打算突破一邊、走返入白祠先算先算，但、就連白祠入口都有兩個係到守住！ 

失算了，估唔到引黎咁多黑目人……失算了，白大叔。 

原來、上次追我尾既果兩個黑目人已經發現白祠既所在，原來、唔係成條村冇哂人…… 

而係成條村都等緊我……