[誤墜]係獅隧口落車 就出左事: ２

我徐徐的轉頭過去聲音來源，發現只是有個跟農村老伯型像完全一樣的老頭站那兒。

「後生仔，天黑喇喎、去緊邊阿？」

睇清楚啲，個阿伯肩上一桿擔挑、左右承起各一１８公升桶裝蒸餾水。

「係阿，行緊返去、就到喇。」個老人明明好瘦弱，睇唔出又會大力成咁既。





「咁你自己小心喇，前面既路唔係太好行，入黑會好麻煩。」講完，佢就行到上黎、係我身邊經過。

果刻我先聞到一陣壓味……再發現其實果兩桶野係黃黃地既。

唔係掛、香港仲有人倒……

我望住個老人反方向既背影自己吟吟沉沉，突然佢擰轉頭同我講：「後生仔，好行喇。」

其實成件事都冇咩野，係唔知點解我啲毛管有一瞬間豎起哂。