[誤墜]係獅隧口落車 就出左事: ３

「記住，唔好亂開人啲野，咁好無禮貌。」老伯不徐不疾一字字吐出，然後緩步離去。

唔洗你講，我都唔會無啦啦搞人啲野啦，打機咩。

所以我冇理佢，向我方向繼續行我路。

雖然頻繁既公路車來來往，但係好似完全釋懷唔到我而加既心情。

仆街啦阿伯！好地地做乜出黎大鳩我，搞到冇哂行山既心情。





腦入面閃過不同的恐怖電影情節。

唔係掛，冇咁橋既。




一刻間我馬上轉頭望後，我怕、怕個阿伯仲係我後面，怕佢好似十幾年前Ｄ港產恐怖片咁，
爛哂面咁控緊埋黎。





可能我太慌張、擰過去太大動作，一下叉錯腳高低位，失一失衡！

好在成個人越如箭在弦、反應越快，我重心轉向公路的方向以作保持平衡。

倏地，一架大泥頭車正以高速馳騁過來，司機只得不停響安、響安、響安！

我原本成個人擰哂望住公路方向，為左閃避、本能地向後一仰……

一腳踏空！對了，忘記了這條路只有一人身闊。





仆街……我成個人向後翻滾，就咁轆撚左落去。