[誤墜]係獅隧口落車 就出左事: １

啲相影果陣，個天就好似好光，唔通我部手機感光補正影到好似影白天咁又話你聽咩。

實情，我辦完貨等車果陣都五點幾六點。

落車果陣六點幾，個天都開始黑，雖然果刻估計、係獅隧口行返去同埋等多架８５Ａ既時間
係前者少啲既，但一向節能主意、懶得就懶既我、真係整鬼唔知咩原因咁好興致想行返屋企。

可能咁耐以黎都唔知我條村既邊界以外再行出去係咩地方，人類就係咁易好奇、咁易重複犯錯。

然而，好奇心其實真係可以殺死廿幾隻貓……





沿住公路邊行，開始條路越行越窄，同埋、其實啲大型貨車經過果下，都幾心驚膽戰[sosad] 


講真，其實我真係覺得條路佢唔係預比人行，越行就越難行。
同埋公路上啲巴士、小巴、私家車果啲人一定眼金金望住做乜有條ＯＮ９係公路邊到行，

望咩姐，你估我想既咩:~(
 
＊




點解話『你估我想架咩』？ 

你一定話，又話自己想行返去既？ 

我唔想既意思係……其實我已經行左五分鐘、條路越行越窄、仲要比人眼超超。 

其二、其實我開始惰性發作、有啲後悔，返轉頭又嫌遠、唔行埋佢又唔忿氣。 

最後掙扎左陣，都係死死氣行埋佢。 





沿路行到盡頭，發現有個行人止步牌、同埋夾係行８０既公路中間，今劑真係向走左向右走都唔撚走掂。 

要繼續行就要橫過獅隧公路、都咪話唔驚，左一架大貨車、右一架泥頭車，當我行出一步又見到有架開百幾既紅ＶＡＮ衝緊過黎xx( 
等左好耐終於好似冇咩車，我先一支箭標過對面、諗落都幾玩命， 

過果陣仲離遠見到架警車，幾驚佢停車落黎拉鳩我@_@ 所以急急腳再行快幾步。 

右邊係公路，左邊係大概一層樓低既叢林，沿路經過唔少小路、小徑、梯、及同埋一啲好似山墳咁既野。 
我講到明係懸疑，你一定諗係咁既時間差唔多加插啲懸疑內容啦？ 

例如好似之前有高打巴打去旅行見到有啲巫女經過、明明托住野都仲行得好快，追都追唔到。 
追到一半之後同行旅人個個好似發左神經咁、事情一發不可收拾。 

又或者、會有個阿婆走出黎對我招手微笑，講一啲我聽唔明既話。 





但統統都無發生過，就算有、老子什麼鬼都不怕。 

「後生仔？」一把微弱的老人聲在我後方向下的樓梯迴響。 
仆街！怕喇怕喇，其實老子什麼鬼都怕@_@