【尋人】我喺Poly遇到個1999嘅怪忍者: 十一

上完上午的堂，終於有空去吃飯，去填滿我餓得要死的肚子。


「妳食咁快唔驚死架？」其中一個男同學說。


我一口麵一口茶一口炒蛋，總之狼吞虎嚥。


「你學下人地嘉嘉啦，食野都有氣質過人。」另一個男同學說。






「嘉嘉不嬲有氣質架啦。」我啃著火腿說。


嘉嘉不同於我，是氣質型的千金小姐，一舉手一投足都是彬彬有禮。


「不如今晚睇戲呀。」嘉嘉說。






「好呀。」我說。


「係呢，你個親戚會唔會嚟？」


「親戚？」






「上次好搞笑嗰個。」嘉嘉說。


搞笑，他到底哪裡搞笑？


既然嘉嘉說出口，我就只好也把他叫來。


結果變成我們三人行。


在電影開場前，尷尬得很，三人吃飯毫無話題，嘉嘉又不是主動的女生，我只好著凜和解說一下秦始皇后的事。

凜和說：「如果我地要問秦始皇的老婆係邊個，一定要知皇帝的婚姻係邊個決定。妳覺得呢？」


「呃，佢爸爸？」


「有道理，不過秦始皇結婚時，佢爸爸已經唔係度。」


「佢媽媽？」嘉嘉說。


「對，聰明。」凜和讚她，嘉嘉則笑得很愉快。






「秦國慣例，婚姻大事多由太后决定。」


「咁即係趙姬？」幸好我也有看古天樂的尋秦記，大概知道一些人物，比如呂不韋之類。


「不過仲有一個因素。」


「趙姬當然係一個重要人物，佢係秦始皇生母。不過在此之上，仲有秦始皇嘅親生外祖母，即係秦始皇爸爸嘅母親夏姬夏太后。」


「你講親生，即係有養祖母？」嘉嘉說。






他呆了一呆，然後說：「妳反應好快。無錯，仲有一個係秦始皇嘅養祖母，亦都係好關鍵嘅人物，華陽太后。」


「咁即係有三個太后？而華陽太后係最有權力嗰位？到底佢係邊個？」我不解地問。


「華陽太后，即係華陽夫人。當初就係因為佢收養秦始皇父親－異人做嫡嗣，異人先可以返返秦國，繼承皇位。而從輩分去排，華陽太后先係最大權力嘅人。」


「咁跟住呢？」我完全沒有頭緒到底關秦始皇的皇后什麼事。

「如果你係太后，你要幫秦始皇娶老婆，你會揀咩國家嘅女人？」


「嗯......秦國？」






「點解呢？」


「唔係，咪住先，華陽夫人係咩國家嘅人？」


「問得好，佢係楚國人。」


我想了一想，然後說：「咁......咁我可能會揀返楚國嘅女仔。」


「無錯，一般而言，太后選定嘅皇后，往往係自己出生國嘅娘家。例如秦武王嘅母親惠文后係魏國夫人，她為武王迎娶係魏夫人。秦昭王嘅母親宣太后係楚國夫人，她為秦昭王迎娶嘅夫人亦係楚夫人。根據哩個傳統，其實始皇后有可能就係楚國女子。」


「楚國女子咁又點？」我不解地問。


「楚國人就係一個關鍵。」


雖然凜和還未將所有的謎團解開，但我生平第一次覺得歷史是與自己相關。


從前在學校，在教科書和老師口中的歷史都是沉悶不已，這次卻是在追尋始皇后的血脈下落。


不過，這件事跟日本的忍者到底有什麼關係？


事實上，如我所料，三人行是沉悶的，嘉嘉不是會主動談話的人。而凜和在她面前也很沉默。


結果我夾在兩人中間，痛苦得很。


「凜和咁點解你會嚟香港嘅？」良久後，嘉嘉終於問第一條問題。


「呃，因為工作關係。」


「咁你係做咩架？」


「佢搵人架。」我代他回答。


「咁即係偵探呀？」


「類似啦。」


「好厲害呀......」


是嗎？


「咁點解你廣東話講得咁好嘅？」


「我自幼有閱讀古書，而且職業要求語文能力要高。」


「好勁呀。」嘉嘉又在稱讚。


「嘉嘉你唔好再讚佢啦，讚壞佢。」


「係咩？但我真心覺得佢好勁。」


「多謝。」凜和笑笑說。


「入場啦。」


本來進場時，我是站著在他們的中間，但不知為何到了電影院內，變成我坐在側旁。


呃？


結果整場戲只有他們在有談有笑，我？則像個襯。


「好搞笑呀你，你放隻腳上櫈到坐嘅。」


「習慣來的。」


看完戲後，嘉嘉說今天挺高興。


「我都幾開心。」凜和說。


高興？

到分別嘉嘉後，凜和送我回家時，他問：「為何妳臉色唔太好。」


「關你咩事。」


「我沒有說關我事呀，我是問妳做咩唔開心。」


「唔關你事就唔好問。」


「妳是唔是一個月一次那些.....？」


「去死啦你！」
忽然間，我看見了畫面。


......火車站......門口。


「喂！」


「怎麼啦？」


「佢係附近！」


「真係？」凜馬上緊張地環顧四周。


「我唔見有一個我見過嘅面孔。」他再問：「有沒有哪個方向比較接近？」


「好似係嗰個方向......但好似越嚟越遠.....」我指著前方說。


「佢走緊！」凜一手抱起我，不顧眾人的目光就跑起來，我只感到一陣跳躍，霎間就到火車站的門口。


「係這個方向？」


「無錯。」我說。


「難道佢坐火車走緊？」凜抱著我沖往火車站，他走路仿如蜻蜓點水般，幾步就到火車站的門口。


當他正衝往閘口時，我突然大叫：「咪住先！咪住先！」


「幹咩？」


窗外是馬路........


「佢似乎唔係坐火車。」


「巴士！」我們同時大叫。


凜再次跑出火車站，在天橋時面對數十輛巴士，實在不知是哪一輛巴士。


「左還是右？」兩個截然不同的方向。


「我都唔知。」


「博一博好無？」他說。


「好！」我望著他說。


他抱住我，跳出天橋，霎間落到其中一輔巴士的車頂。


我想，這下真的不得了。


他繼續帶著我跳往另一車頂，把巴士當作踏腳石，如蜻蜓點水一樣，這比玩跳樓機刺激十倍。


我想，我們第二日極有可能被拍上新聞。


我從沒想過人可以跳得這麼遠。


「仲看到嗎？」他問。


「應該係哩個方向！係哩個！」我大叫。


凜更努力地往前衝。


剎那間，已經來到過海隧道的入口。


他望了我一眼，我點點頭說：「衝啦！」


我們毫不猶豫地在巴士車頂闖入海底隧道。


巴士快速地奔馳，狂風在我們的四周呼呼而過。


我還真是頭一次過海底隧道時，人是在車頂上。


「點呀？有否越來越接近？」凜問。


我心愣了一愣。


我什麼也看不到。


那種結連好像又消失。


雖然凜笑了笑說：「不要緊。」但我還是能看出他失望的表情。


在駛出海底隧道後，到達對岸後，本來沉默的凜問我：「不如我地去食韓燒呀。」


「好呀！」我笑說。


忽然間，我的電話又響起。


「你得唔得閒？」說話的人是岑日峰。


「我......」


「如果妳唔得閒，都唔緊要呀。可以第日先。」


「但係......」


「妳唔去一定會後悔。」他好像看穿我內心所想的，就說：「無關係。」


「多謝你。」


凜是一個會替人著想的人，我是打從心底裡這樣認為。