[前傳]是咁的，我嘅職業係幫想自殺嘅人寫遺書: 111.仍然會痛

我一個人坐喺回程嘅地鐵入面，耷低頭，十指交握頂住額頭。

視線好模糊，好似喺海底擘大眼睇野咁。

咩都睇唔清楚，咩都唔想睇清楚。

但點解，偏偏啱啱要俾我睇得咁清楚，靜思幸福嘅笑容。

過咗咁耐，心仍然會痛。

「咩呀，都話架車拎咗去整吖嘛，而家咪搭緊地鐵翻嚟囉。呀仆街喇，上錯方向！」

下一站上環，左邊嘅車門將會打開。

我聽到就到站，企起身，行去車門側邊。