[前傳]是咁的，我嘅職業係幫想自殺嘅人寫遺書: 112.紙巾
一張紙巾遞到我低頭嘅面前，我向對方點點頭表示唔該，但側開面費事畀對方見到我個喊樣。
拎咗紙巾之後，我即刻打開佢抹面。
「哎呀等等啦，我啱啱俾紙巾人呀。點話？搞自殺專題？我記低囉，搞哂手頭上啲專題就搞依個啦。幾時加我人工？嗱為興趣還為興趣，有人工加都會開心家嘛！吓？減？點解呀點解呀點解呀點解呀？」
條友把口係咪裝咗機關槍？煩膠到咁都有唧？
叮噹。
到站，我同嗰個女仔一齊落車，佢向左行，我向右行。
「得喇得喇，而家去搭啱方向嗰條線，單料等我翻嚟跟啦。」
終於耳根清淨。