[前傳]是咁的，我嘅職業係幫想自殺嘅人寫遺書: 110.no, she won't
但係迎面走嚟嘅一個身影，令我嘅手掌喺半空凍結。
「你喺度嘅？」
「Surprise！係咪無諗過我會特登嚟接你呢～我係一百分女友！」長長嘅黑髮飄動，個女仔攬住咗文傑嘅手臂。
「好啦比一百分你，滿分一千。呀呀呀！」
個女仔咬咗文傑隻手一啖。
我望一望自己，再無牙印嘅右手。
「做咩嚟呀啱啱？」
「有個朋友俾啲野我啫。」文傑作勢要指過嚟依邊，我即刻轉身，邁步離開。
我嘅呼吸變得急促，眼淚不受控制咁隨我一步一步向前而掉落到地面，好似喺森林中為防止盪失路而留低嘅記號，但我知道自己絕對唔可以跟住記號翻轉頭。
愛嘅牙印，已經唔再屬於我。
If I die, will she cry？
No, she won't.