[前傳]是咁的，我嘅職業係幫想自殺嘅人寫遺書: 107.愛過

文傑拎出遺書，開始睇。

「本來我應該叫bobo抄一次，但因為我嘅疏忽失職，令佢未抄就自殺，好對唔住。」遺書上始終唔係bobo寫嘅字。

「唔緊要。」文傑一字一句咁睇，眼眶微微泛紅，揸信紙嘅手輕輕抖震。

最後，佢嘆咗口氣，將封遺書放翻入信封，還俾我。

「多謝你。我知道佢嘅心意喇。」





「你介唔介意我問你一個問題？」

「嗯，問啦。」

我本來想問，佢同bobo分手嘅真相。

但真相係點，仲要咩？

「你愛唔愛bobo？」





文傑深深吸咗一口氣。

「愛過。」