[前傳]是咁的，我嘅職業係幫想自殺嘅人寫遺書: 108.if i die

「如果佢仲在生，你會唔會同佢喺翻埋一齊？」

一班地鐵埋站，發出「叮噹」嘅開門聲。

「唔會。佢自殺，我會遺憾，會內疚，但我無心痛。」

人潮喺我地身旁經過。

「我無估到佢咁愛我⋯⋯愛到因爲無咗我而去死。但問題係，我已經唔愛佢。」





「你對佢已經無哂感覺？」

「有，但係一種⋯⋯虛無飄渺嘅感覺⋯⋯已經唔係愛。」

If I die, will he cry？

No, he won't.

為唔愛自己嘅人而死，換唔到一滴眼淚。





係，或者可以令對方遺憾、唔安樂、內疚，但可以持續幾耐？

文傑泛紅嘅雙眼回復正常，只係唔夠一分鐘嘅事。

「唔愛就係唔愛，就算佢自殺，都唔會改變到。」

非常冷血而無情，但現實永遠都係咁殘酷。

我忍唔住自問：If I die, will she cry？





靜思，你會唔會為我喊？定係眼紅一分鐘，然後一切又回復正常？