[前傳]是咁的，我嘅職業係幫想自殺嘅人寫遺書: 106.文傑

我同文傑喺地鐵站見面，佢係一個幾似余文樂嘅靚仔，高我半個頭。

「你就係文傑？」

「係。你就係⋯⋯阿金？真係有人幫人寫遺書架？」

佢嘅表情上睇唔出絲毫嘅悲傷。

「你知道bobo自殺死咗未？」





微微低頭，視線望向地面：「知。」

我拎出遺書，交俾文傑，準備轉身走。

「等等。」

「嗯？」

「我睇完之後，俾翻你，你可唔可以等我一陣？」





「好，但點解你自己唔keep？」

佢皺一皺眉：「因為⋯⋯太沈重⋯⋯」