[前傳]是咁的，我嘅職業係幫想自殺嘅人寫遺書: 84.在生之時
唔知隔咗幾耐，我先拎部手機出嚟，望住嗰個唔會再顯示「在線上」嘅號碼。
我上網search個號碼，然後搵到少少相關資料。
有個畫展嘅網站上面，列出咗參展畫家嘅名同聯絡方法。
人已經死咗，我無論再做咩野，bobo都唔會翻生。而家先去了解依個女仔，根本就一啲意義都無。
但係⋯⋯個心好重⋯⋯我有責任⋯⋯我對佢有責任。
點解佢琴日仲在生嘅時候，我唔去了解佢？偏偏到個人真係死咗，我先做徒勞無功嘅補償？
或者係因為，我琴日根本唔相信佢真係會自殺。
講到底，只係因為我唔理解佢。
所以連對方真係會尋死都懵然不知。
將真心求死嘅正版，當成偽品。
仲講咩我嘅職業係幫人寫遺書？如果真係有咁嘅工作，我都肯定係唔合格嘅垃圾員工。