[前傳]是咁的，我嘅職業係幫想自殺嘅人寫遺書: 85.我要補翻

我一早就知道背負人命好沈重，因為搏頭上已經有金弦。

但仲要重複幾多次，依種咩都睇唔清嘅悲劇？

係呀，人已經死咗，我而家做咩都唔會有用架喇。

不過作為一個唔合格嘅遺書代筆，第一個客人嘅結局就咁草草了事，咁我以後仲點幫人寫遺書？

可能就算去了解，都改變唔到佢地自殺嘅念頭。咁又點？我而家連理解bobo都未做到，更加唔駛講咩阻止佢地自殺。





但幫得人寫遺書，就預咗所有客人都真係會自殺。

諗清楚，曲金鉉，你救得幾多個？

你唔係要改變同阻止。你要做嘅到底係咩野？

撇去所有冠冕堂皇嘅理由。

我咩人都救唔到。





點都好，我要補翻，仲未幫客人寫嘅遺書。