[前傳]是咁的，我嘅職業係幫想自殺嘅人寫遺書: 83.自責

真係走去自殺？係因為我琴日嘅說話刺激咗佢？定其實無論我講咩，bobo最後都會揀依條路？

問題已經無從驗證，真相又變得同時存在。

大腦一片混沌，連整理思緒都無辦法做到，好似頭入面有啲野打咗結咁。

曲金鉉，冷靜。

假設佢本身求死可以挽回，我琴日嘅態度就係害死佢嘅原凶。





但如果自殺嘅選擇唔可以改變，我可以做嘅就係喺佢死前幫佢寫遺書。

而我無做到。

即使唔知bobo「本來」救唔救得翻都好，喺可能出現嘅兩個情況之下，我都做錯。

bobo嘅生命壓喺我搏頭之上。

一個生命嘅終結所帶嚟嘅衝擊，將我一直以嚟嘅自以為是完全摧毀。





今後繼續幫人寫遺書，就必須要不停背負人命。但如果要真正開始，咁即使bobo死咗，我都要正視我第一個客人。