[前傳]是咁的，我嘅職業係幫想自殺嘅人寫遺書: 63.無資格

bobo睇住文傑喺ig每日del一張佢地嘅合照，就好似睇住自己慢慢被對方推出回憶嘅舞台。

嗰種感覺，同一日少一忽肉無分別。

唔好⋯⋯唔好忘記我⋯⋯

喺日本嘅bobo慘叫，但喺香港嘅文傑唔會聽到。

我唔想喺你ig消失。

我唔想喺你嘅回憶中變成輕煙。

但唔通bobo打比文傑，叫佢停手，又有用咩？

分咗手，就算眼白白望住對方將合照撕碎，自己都無資格阻止。