[前傳]是咁的，我嘅職業係幫想自殺嘅人寫遺書: 64.呼吸

bobo每日除咗上堂嘅時間，就係留喺房喊。

一路聽歌一路喊，好似特登要虐待自己咁樣。

一路睇翻佢地兩個一齊影嘅相，任由眼淚失控。

「真係⋯⋯太開心喇⋯⋯」佢望住笑到見牙唔見眼嘅相中人，難以相信依個人就係三個月前嘅自己。

回顧共你遇到過的，花光一晚也未夠。

失眠嘅每個夜晚，我都諗住你。

你叫我記得要掛住你，我唔駛記得，因為掛住你已經成為我嘅呼吸。