[前傳]是咁的，我嘅職業係幫想自殺嘅人寫遺書: 62.仲未
正式分手後，bobo望住自己枱上嘅禮物。每去到一間神社，就會買一個護身符，但已經一個都送唔到出去。
啊⋯⋯仲未同佢一齊煮過飯⋯⋯
啊⋯⋯仲未同佢一齊去旅行⋯⋯
啊⋯⋯仲未影即影即有⋯⋯
啊⋯⋯仲未一齊唱過k⋯⋯
仲未睇星星、仲未去沙灘、仲未去游水、仲未去食串燒、仲未去動物園、仲未去迪士尼、仲未接過我放學、仲未去美食博覽、仲未去書展、仲未打過羽毛球、仲未試過一齊訓醒⋯⋯
原來仲有咁多野未一齊做。
原來一分開，就發覺仲有咁多遺憾。
「對唔住⋯⋯⋯⋯係我做錯⋯⋯⋯⋯」
但係已經翻唔到轉頭。