時空之門: 天命不可違
「你個死佬又唔知係度諗緊乜衰野」阿思真係心水好清，我眼仔碌一碌佢就知道我諗緊衰野。
「我諗緊點阿Yan果度點處理者。」冇錯，雖然叫解決左一個難題，但仲有阿Yan呢個終極boss我未去處理....但果一刻，我只係想及時行樂，好好咁同兩位阿思共享閨房之樂，正當我既祿山之爪伸向佢地時...房門既鐘聲響起...
門外既人並冇驚喜，阿Yan淚流滿面咁企左係門口...而佢身後既Amy用一個無奈既表情打左個眼色...
「你尋晚係沙灘同我講既野全部都係假? 你呢頭送完我返去，轉個頭就搭上阿思!」開門後阿Yan 就一輪咁機關鎗咁掃射...
「件事唔係你諗咁樣...」Amy嘗試幫口緩和下氣氛...
「點解連你都要幫口...尋日我生日，Sam既出現，我以為係個天送俾我最好既生日禮物...但點解....只係過左一晚，而家連你都幫佢? 」阿Yan以崩潰既聲音係度哭訴...
我望一望阿Yan 同 Amy，再望一望房入面既兩個阿思....我知道，呢間房，將會腥風血雨...
「有D咩入黎先講好唔好?」我用最溫和既語氣希望說服阿Yan入黎，閂埋房門一齊拆掂去...
「有咩點解唔可以係度講...你呢頭溝我，轉個頭就被我D「好姐妹」勾引，你驚俾人知你係賤男呀?」雖然阿Yan冇講錯，我的確係賤男，我大可以第一次救左阿思後咩都唔做就咁送佢返房，正正因為我冇咁做到...先會有而家咁既局面...但，事實唔好拎黎講呀MA，我自己知一件事，你而家係度嘈喧巴閉要好似想全世界都知...我當堂火都黎...
「你同我入黎」我大喝一聲，之後就直接扯左佢入房....
「你想點，我大叫嫁...禁錮呀...非禮呀.....」阿Yan一斷係度掙扎一邊係度大叫...
突然巴一聲....「你癲夠未呀...成日都係咁...呢個世界唔係圍住你轉嫁」Amy一巴車左埋佢度...
現場既氣氛沉默左半分鐘，之後就變左Amy同阿Yan既埋身肉搏，兩個女人係度你摑我一巴，我扯返你頭髮咁...一路由門口走廊，你推我撞咁入到房...
「好呀..我冇冤枉你啦..阿思..你個狐狸精，而家捉姦在床啦....」入到房後，或者視線既關係，阿Yan只係見到原先坐係床邊既阿思...
「你話邊個狐狸精...你乜野都唔知就係度亂罵人...」原先訓係度既「阿思」不甘受罵坐起身展開回擊..
「阿思」慶阿Yan咁講又岩既..某程度上，佢只係鍾意我，我同佢乜野都冇發生(應該話未發生)
當「阿思」坐左起身回擊時，阿Yan個人當堂呆晒唔識俾反應...
「可以靜落黎聽我講拿嗎?」我趁佢靜落黎既一刻開始將事情既發展由頭到尾再講多次...
「咁你做乜要同佢搞埋一齊」聽住解釋後，阿Yan將個矛頭指向阿思...
「你係我好姐妹黎嫁，你做乜要搞我男人...你個狐狸精，賤人」
原本坐係床邊既阿思，坐左係身，冇對阿Yan既指控作任何回擊
「Sam，多謝你，雖然只係好短暫，但，呢兩日係我最開心既日子」阿思講完呢句後就衝左出露台跳左落去...
我完全俾唔切反應去救佢...只可以眼白白咁睇住阿思跳落去....我腦入面只係再次啟動時空之門救返阿思既諗法...我望住嚇到呆左既阿Yan，Amy同「阿思」
「兄弟，Take Care! 永遠記住我同你講既，所有野順其自然，唔好過於強求你想要既結果，所有野，冥冥中都有主宰。」突然腦入面，百年後既「我」係我臨走時既呢番說話再次湧現，我強忍淚水行左入廁所，再次啟動時空之門，但，時間係我初次遇到佢地三個既大梅沙現場....