時空之門: 出乎意料之外
前文提要: 因一時疏忽，Sam神無意中將阿思帶左入時空之門，本身一件簡單既「救援任務」而家涉及既人同事越黎越多，歷史亦同Sam已知既歷史有所出入。時間既巨輪一直係度轉，Sam好清楚佢必須好好咁解決佢同呢幾個女仔間既關係。
===============================================================================
「你真係諗住咁樣同阿Yan同阿思講...」Amy好緊張咁問我同阿思....
「阿思我覺得佢會明白..但阿Yan...講真..我冇信心...但我唔可以就咁走左去..咁樣對你地任何一個都係唔負責任既表現。」我嘗試同Amy表明我既立場...
「你為我地做既野已經好多，如果唔係因為我，根本唔會有咁既事發生，如果我條命整定真係要淪落風塵既，我會認命，我唔想因為我，害到我既姐妹。」Amy一邊喊一邊講
「傻囡，我地幾個既命運由我決定返黎果一刻已經連左係埋一齊，我唔希望因為我既出現，令到你地任何一個再受到任何既傷害。我知我咁講有D貪心，但，你地幾個對我黎講一樣咁重要。」
「咁你諗住點同阿思同阿Yan講?」Amy呢個反應同我地預計既一樣，一方面件事某程度因佢而起，另一方面，佢好珍惜佢既姐妹情。
「我想你幫我約阿思，由我親口同佢講」一直沉默既阿思終於開金口...
「下..由你親口講，我怕佢一見到你就即刻嚇暈...」
「嚇親就一定，就等於我地剛開始知時都係相同反應，但，只有由我親自先同阿思講清楚，我地先可以再一齊諗下一步。」我到呢一刻先發覺，阿思真係好冷靜，不枉「冰美人」呢個稱呼...
「既然你地都覺得可行既，咁我而家打俾阿思叫佢過黎啦」Amy雖然唔多認同，但佢都知道呢個係冇辦法之中既唯一辦法...
===============================================================================
「我地有D野想同你講，一陣無論發生乜野事，你都要冷靜好唔好?」阿思黎到後Amy就好官方咁同佢講，我雖然知道件事既震撼性同嚴重性，但我都忍唔住拎轉面偷笑...
「好...Sam，尋晚多謝你呀，如果唔係你，我唔敢想像會點。」阿思猶有餘悸咁講
「傻囡，如果唔係因為我，你都唔會遇到咁既事。一陣你聽到或者見到既野你可能會好驚訝，但，全部都係事實。」我終於明白，點解會有所謂官腔或者官方答案既出現，因為當你遇到D好難開口或者你覺得荒謬到冇人會信既野時，官腔不失為一個幾好既開場白...開場白講完後，我慢慢咁將件事講出黎，由當初識Amy，受佢所託，跟住同阿Yan沙灘調情，再因為阿Yan既關係導致佢俾人輪姦，之後我點樣穿越時空救佢再同佢發生關係但同時令Amy被姦殺，到最後為左救Amy再次穿越但同時令到阿思同我一齊黎左呢個時空。
我一路講，望住阿思既表情不斷既變化...中間有幾次我見佢想出聲問問題，但我繼續一輪咀咁講落去唔俾時間佢問...「我知頭先所講既野你會覺得好荒謬，因為係你既記憶你只會記得我尋晚救你既事」
阿思用無助同充滿疑惑既眼神勉強地點左一下頭....「我明一時三刻你好難消化」
「之後既野等我講啦」阿思突然間衝左出黎.....
一如所料，就算阿思頭先已經聽左我講左咁多野，當佢見到阿思既第一反應...都係大叫一聲，之後暈左....我地唯有將佢扶上床休息，等佢醒返後再繼續...
「Amy，呢段時間，不如你返去陪下阿Yan」 我見我地幾個坐係度等其實都冇乜用...而就咁掉低阿Yan一個佢個傻妹一定會亂諗野，不如搵Amy返去陪下佢....係我層面，阿Yan係傷害只係情感既傷害，遠不及阿思同Amy既悲劇，但我同時知道，如果唔小心handle阿Yan，一個受情傷既女人，一樣可以帶黎毀滅性既悲劇。
「嗯，我會同佢傾下睇下佢個傻妹對你究竟係咩感覺」Amy真係好醒目，佢清楚知道阿Yan對我既感覺會決定件事之後既發展...「麻煩晒你」我攬住Amy輕輕咁撫摸同錫左佢兩啖，Amy就好似得到上司鼓勵既下屬咁，以堅定既眼神話我知，佢一定會完成任務。
「一陣阿思醒左你諗住點?」我問坐係床邊照顧緊阿思既阿思。
「以我既性格，當佢醒返再見到我時，由我再講多次，佢應該會明白。但佢應該同我一樣，未必會接受到你左右逢源。Sam，我已經係你既人，我唔會離開你，但阿思佢，仲有得選。」
「我唔會逼你地任何一個做任何你地唔想做既事。因為我既關係，我已經改變左你地既命運同累左你地，係所有野交待清楚同settle好前，我唔會再對你、Amy，Yan同阿思有任何諗法」雖然我內心的確有諗過叫4飛，但，阿思咁樣講出黎，我都真係有D嬲嬲地。
「我唔係咁既意思，無論點，我以後都係你既女人，呢一世都會跟住你。」阿思可能見到我嬲，即刻攬住我解畫。而我當然唔會拒佢於千里之外，好好咁享受片刻既溫柔。
「我都願意一世跟住你。」床上既阿思突然彈一句出黎，今次到我同阿思俾佢嚇親。
「頭先你地講既野，我聽到晒。由我第一眼見到你時，我個心已經完全屬於你，你為我地已經付出夠多，我唔希望因為我地既事再增添你既煩惱。」
事情既發展，講真有D出乎意料，由決定講清楚果一刻開始，我覺得最有可能發生既係我fade out 阿Yan，之後同Amy 阿思去第度重新開始，所以「阿思」呢個反應的確有少少unexpected。
「但同左我一齊後，你地未必可以再好似以前咁同屋企人或朋友生活。講得難聽D，呢世都要偷偷摸摸。為左我真係值得?」
「我知你擔心D乜，放心~~我唔覺得係完全偷偷摸摸，只要我地兩個分配好D時間，我地一樣可以見我地既屋企人同朋友。」阿思率先表態，已床上既「阿思」亦都點頭附和。
此情此景，除左感謝上蒼外，我分別係佢地兩個額頭錫左啖...之後問左句好低B既問題...「咁我以後點分同叫你地兩個?」
「點解要分...我地兩個都係阿思..兩個都係你既女人」佢地兩個同時咁答...「你唔好諗住厚此薄彼，你試下對我地是但一個唔好，我地都唔會放過你。」
「我點會大細超，你地兩個都係我最錫最愛既女人」我話需如此，但果一刻，我真係有D頭痕，齊人之福真係唔係咁易享，而家2個都已經連成一線，加埋Amy同阿Yan，佢地剛好一枱麻雀，我咪變左茶水阿姐?
「你個死佬又唔知係度諗緊乜衰野」阿思真係心水好清，我眼仔碌一碌佢就知道我諗緊衰野。
「我諗緊點阿Yan果度點處理者。」冇錯，雖然叫解決左一個難題，但仲有阿Yan呢個終極boss我未去處理....但果一刻，我只係想及時行樂，好好咁同兩位阿思共享閨房之樂，正當我既祿山之爪伸向佢地時...房門既鐘聲響起...(待續)