時空之門: 解鈴還需繫鈴人

連場激戰過後，我完全進入昏睡狀態。當我再次擘大眼時，我見到阿思含情脈脈咁望住我....雖然係未來世界，我可以話嘗盡天下男人都想玩想試既野，但果D都只係逢場作戲。我一直都認為情與欲係互相關連，我對佢地3姐妹，情感上，始終都有一定既羈絆。所以當我再次見到阿思時，我抑壓唔到自己對佢既感覺，一個擁抱，一個深情既吻，我地既欲火就好似星火燎原咁，一發不可收拾，過程我地並冇太多花式，但我地兩個既情感令到我地都得到最大既滿足。「Sam，好多謝你! 但我尋晚係度諗，我係咪唔應該存在」歡愉過後，阿思突然彈句咁既野出黎...「如果我本身唔係屬於呢個世界，你改變左，雖然係救左我，但Amy同阿Yan會點? 現在世界既我又點? 我又會點?」阿思既問題，其實我一直都有諗，但，唔改變都已經改變左....What Can I Do? 「你呢個問題，我時刻都係度諗，但如果你要我眼白白咁望住你受傷害，Sorry，我真係做唔出! 或者我地呢個決定某程度會影響左你地3姐妹既命運，但至少，你地3個都仲係齊齊整整。」
 
我唯一可以講既就係呢句...因為我真係唔識答，同時，我唔想佢地再受到任何傷害。我攬住阿思，一邊食枝煙，一邊係度沉思，如果，當初我冇返黎改變Amy既命運，佢地3個既命運又會點...如果以我既知既事實，Amy投身風塵相對既傷害應該係最小..但阿Yan同阿思又會點? 我唔敢想像，既然呢一刻我已經係佢地生命中出現，我可以做既，就係盡我最大既努力好好咁去保護佢地幾個。
 
「你諗咩諗到入晒神?」阿思拍拍我，將我係沉思中喚醒。
 
「你願唔願意同我一齊離開呢個時空，重新過我地既日子?」果一刻，我覺得同阿思一齊離開重新開始係一個最好既辦法。
 
「咁Amy同阿Yan點? 阿思佢又點? 佢地個個好明顯都鍾意你，你就咁走左去，佢地會好傷心。」
 


「我知道，但，如果我繼續留係度，我唔會識得面對。我好重視你地，那怕你地任何一個有咩事，我都會出手去改變，但，改變命運永遠往往會帶黎更多我預計唔到既後果，我唔想你地任何一個因為我穿梭時空而受到更大既傷害。」
 
「不如你等我試下同佢地傾? 跟住我地再決定? Amy已經知道，我信佢會明白，我亦有信心說服阿Yan，唯一既係..我唔知應該點同自己講」
 
「假設，佢地全部都願意，我咪有4個靚女陪我過人世?」我掩飾唔到自己內心既興奮同憧憬，忍唔住彈左呢句出黎。
 
「你就想!! 男人講既野真係信一成都死呀~~一分鐘前先懶sweet咁話就咁同我走，轉個頭就係度朝秦暮楚」
 
阿思講呢句既時侯，我感覺到佢果股醋意同埋真係有少少嬲，我有D後悔自己既失言，我知道我唔令佢安心既，四女共待一夫，永遠無可能成事....我一啖咀落去，佢好大力咁掙扎想推開我。「我唔係咩聖人，我認我咸濕，但我對你地幾個既感情全部都係真，我唔希望我珍惜同重視既你地會受到咩傷害。」男人既眼淚對女人黎講，可以話係致命既武器，講真...呢D眼液唔係假，每當我諗到阿思因我而「死」我個心真係好痛。係我眼淚既加持下，阿思冇再採扎，我地緊緊咁攬實對方。「應承我，我地係你最後既女人好嗎?」
 


我冇出聲回應，一來我唔想呃佢，二來呢個情況，無聲勝有聲，我只係將佢攬得更實，再輕輕咁輕吻佢個額頭。(待續)