時空之門: 世上的另一個我

前文提要: 當阿Sam以為佢成功救返阿思，當佢以為改變到歷史既同時，不幸仍繼續係佢身邊既人身上發生。阿Sam收到Amy俾姦殺既惡耗，因一時失神同疏忽，令到阿思同佢一齊行左入時空之門，雖然最後都叫再次改變歷史救返Amy，但因為佢既疏忽，阿思以後將如何進退...
 
Amy走左後，房入面得返我同阿思，講真，我真係唔知應該點樣處理，亦都唔敢諗之後會有D咩事發生，正當我係度沉思緊既時侯，阿思打破沈默...
 
阿思: 以後呢個世上係咪即係有兩個我?
 
我: 要睇你點定義「我」，好似我咁，你眼前既「我」本身唔屬於係呢個時空，「我」係6年後既世界黎到呢度並識左你地。但「我」並冇因為穿越影響左屬於呢個時空既「我」，佢繼續過緊屬於佢既生活，我地中間並冇任何交接點..可以繼續各自做自己想做既野。而你既情況相對有少少複雜，一來穿越既時間間距太短，你地兩個既記憶可以話完全相同，唯一唔同既係，係Yan房入面既「你」只會記得我今晚送左醉酒既佢返酒店，同埋「佢」以後會係主導; 而你，因為曾經係呢個時空進行過互動，無論之後去到邊個時空，你都會記得今晚所發生既一切，而最重要既係，你以後都唔可以用「阿思」呢個身份生活，因為除左我、你同Amy外，所以人只會認識房入面既「阿思」。
 
阿思: 咁我以後可以點? 係咪即係唔可以再返屋企，唔可以再見我既屋企人、朋友?
 


我: 對唔住...你俾小小時間我，我會諗辦法解決...但呢段時間可能要委屈你同我一齊生活
 
阿思: (面紅紅) 只要你係我身邊，我咩都唔會怕...
 
果一刻，我有一種莫名奇妙既親切同真實感。由第一次穿越到而家，我一直都係一個人，想搵個傾訴既對象都冇，果種弧獨感或者係所有時空穿梭者需要承受既苦.....但，呢一刻，我知道，至少，以後我有阿思係我身邊，我有佢明白我，我有佢呢個傾訴對象..
 
我: 只要你願意，我以後都會係你身邊，好好咁照顧你...聽日我會同阿Yan講清楚，之後我地就去一個冇人識我地既地方簡簡單單咁生活
 
或者，我真係厭倦左不停穿梭果種弧獨感，果一剎那，我真係希望遠離眼前所有既野，簡簡單單咁過新既生活...
 


阿思: 你咁講我真係好開心，但我唔想，因為咁樣做對所有人都唔公平...我只需要你應承我，無論你之後有幾多個女人都好，你都唔會因為佢地掉低我一個...
 
點解要引誘我? 呢個究竟係咪一個陷阱? 咁筍既offer都有既? 男人始終都係下半身主導既動物，阿思俾我既願景實在太太太吸引，我轉眼間已經由幻想中好悶既二人世界變返做酒池肉林，左擁右抱既花花世界，或者我諗得太入神既關係，咀角泛起左微笑自己都唔知...
 
阿思: 你睇下你呀，個樣已經出賣左你啦...點呀...係度幻想緊同時間攬住我地3個呀?
 
我: (心虛) 邊有...
 
阿思: 阿Yan我就唔肯定，至於Amy，本身佢就已經鍾意你，再加上你今日為左救佢連命都爭D無...
 


阿思一路係度講，我個腦就一路係度幻想，我知道同時間起三飛的確係有D難度，但如果可以一邊keep住同阿Yan既關係，佢隻豬遲早都係我; 阿思同Amy兩個又唔介意共待一夫，我都叫左擁右抱，盡享齊人之福呀...
 
阿思: 你個死佬真係係度諗嫁WO~~你記住呀，你只係發明左時空之門炸，你唔係有無窮既體力嫁...因住精盡人亡呀你...
 
我: 車，我連最惡搞既時空穿梭都研究到，仲有咩可以難到我~~大不了我咪花D時間做下研究，我就唔信會難到我~~
 
阿思佢言者無心，但我聽者有意，的確，我雖然可以任意於時空穿梭，但我都會老，體力都會衰退...如果我想繼續呢種花花世界既生活，我一定要為自己做更好既準備...呢幾次既時空穿梭經驗令我更加了解到穿越既局限，人相對於時間以至宇宙黎講，只係微不足道，冇錯，穿梭時空的確可以改寫已知既歷史，但固中福禍難料...我唔會話我唔會再改變歷史，但，呢一刻既我，更傾向順應自然...等自己可以好好咁享受下生活...(待續)