時空之門: 一百年後
或者係受傷，或者係諗通左，一覺訓到自然醒果種感覺真係好舒服，當我擘大眼時，見到阿思好似個BB咁好平靜好安穩咁訓係我身邊，真係有種好sweet好幸福咁感覺，我輕輕咁係佢額頭錫左一啖，佢個衰妹真係訓得好甜，雖然好想同佢黎多Q，但又唔忍心整醒佢。我輕輕既離開床，係露台度點枝煙，之後就係度諗尋晚阿思所講既野...無錯，雖然我可以任意咁係唔同時空進行穿梭，但我都只係一個普通人，我都會同佢地一樣會攰會病會受傷會老會死，我並無奢求長生不老之心，因為我知道，長生不老某程度上都係一種煎熬，我尋求既只係可以增強我身體機能，減慢代謝率既方法...我第一時間就諗起Mayo Clinic既研究團隊。
Mayo Clinic係美國著名既醫學中心，記得當年係MIT做研究時，我曾經係一個探討如何改善人類未來既conference上同佢地進行個交流，雖然大家既範疇並唔同，我係物理學，佢係生物科技，但大家都有一致既目標，就係希望可以研發到改善人類既科技，我依稀記得當年佢地既research topic就係研究點樣藉著基因改造去除衰老細胞，我自己都係研究出身，我好清楚知道每項研究就算訂好左方向，都需要6、7年時間先有初步既成果，要有實際性成果以至落地更加係未知之數...等待，對一般人黎講，往往係好漫長同痛苦既一件事，但對於我黎講，只係讀秒間既小事。
自時空之門研究成功後，我只曾穿梭過去，反而從未探索過未知既未來。為左自己日後既生活，為左進一步探索時空之門既無盡可能，我曾阿思仲係度熟睡既時間，再次啟動時空之門，時間係100年後。
啟動既一刻，我好似首次穿越時咁有一股莫名奇妙既興奮同緊張，我唔知道我之後會遇到咩事...當我行入去再次擘大眼既一剎那，我唔係好相信我眼前所見到既景象，我置身係電影先會出現既科幻城市，車，唔再係地面行，而係透過懸浮技術係城市間穿梭，行人亦唔需要以雙腳走動，只需要身體向前/後傾再加以左右擺動，引力將會帶領你前進。以往舊式每次打風都怕佢會俾風吹跌既招牌已經被3D立體投影所取代，形形式式既親切但又感到陌生既店鋪係我眼前不斷出現，但我只係被當中兩個吸引到 - 「身體改造」、「性愛大師」。
當我腦入面浮起左想去呢兩個目的地時，我個身體就已經自動咁慢慢SIR去果個方向，唔洗30秒，我已經去到「身體改造」既3D立體投影招牌下，當我仲係度四圍望搵入口時，我眼前浮起左一部終端機，並投影出一個身穿白袍既妙齡少女。
妙齡少女: 歡迎光臨「身體改造」店，請望向鏡頭以作瞳孔偵測以識別身份。
我下意識咁望向鏡頭，但之後我突然醒起，大獲，我係非法入境，何來身份可言，但我擔心既野並冇發生。
妙齡少女: Welcome back，Dr. Samson，請選擇所需服務。
咩話，100年後我都仲未死? 仲做埋博士
我眼前既投影出現好多唔同既選項：
至尊組合：全身體基因改造，激活再生細胞組織，激發及提昇身體潛能，減低代謝率達80%，預測可延長壽命高達80年 價錢：1億
淨係睇到個plan既介紹我已經知道呢個係我所追求既服務，我望一望系統見戶口結餘有差唔多成1000億，我諗都冇諗就按選擇
妙齡少女： 多謝選取此服務，為確保閣下帳戶安全，已將相關付款識別碼以源代碼傳予閣下，請掃描源代碼作確認以繼續服務
正當我係度頭痕鬼知個源代碼係咩時，背後傳黎熟悉既聲音
「我」：我都估到係你嫁啦，你終於黎啦!
當我望向聲音時，我見到另一個「我」，雖然我地相距100年光景，但望落個樣真係分別唔大。。自從研發左時空之門後，我一直都避免同「自己」或認識我既人有任何交雜，阿思係一個意外，所以當今次見到「自己」時，我都有少少唔知點既感覺
我：你好嗎？ (雖然有d膠，但呢個真係當時既我唯一諗到既對白)
「我」：我到而家仲生勾勾咁企係度你就知我好啦。。你要既源代碼，拿拿臨搞掂之後我帶你四圍行下
妙齡少女：源代碼已確認，請依照屏幕指示以繼續下一步
我眼前既屏幕慢慢咁放大，最後變左部好似睡眠倉既物體，我跟住佢個指示訓左入去，之後就有個類似氧氣罩既物體cup住我個口同鼻並噴出一種好香好清涼既氣體，我下意識咁索左兩下，之後我就迷迷糊糊咁，腦裡面不時閃出以往讀書時DNA排列既畫面，佢地就好似lego咁一個緊接住一個，有D舊既leog被移走，跟住又有d新既lego加入黎，最後又再重新排列。。
妙齡少女：多謝選用至尊組合，是次療程經已完成，期待你再使用本公司其他服務
當我企返起身既一剎那，或者係錯覺，我覺得成個人好refresh, 頭腦好清醒，以往積落既疲憊感好似係一瞬間一掃而空，成個人充滿力量。
「我」：點呀，好正呢？你條友仔真識簡，咁就洗左我一億！行啦，同你四圍行下，跟住再去我度慢慢傾，話晒百年難得一遇。
我: 估唔到，一百年個世界就可以發展成咁!
「我」: 冇錯，科技既野的確一日千里，改善左人類既生活。但，你要好好記住你今日黎既初衷，順應自然，凡事唔好強求..活在當下，好好珍惜眼前既人同事就足夠...
我: 係咪發生左乜事?
「我」: 拿拿拿，呢頭講完你又黎啦...黎，去我度坐下俾D正野你試下~(待續)