時空之門: 改寫命運?!

前文提要: Sam神最終都成功救返阿思令佢免受輪奸之苦，但阿思隻豬依然係無左。(我只可以講，佢真係一個禽獸，呢頭幫人補住貞操，轉個頭就自己食埋..LOL)，正當Sam神想再嗒真D時，阿Yan突然打黎.....
 
阿Yan: (痛哭) 阿Sam，Amy死左呀....
 
我: 下，你講乜?
 
阿Yan: 尋晚阿思出左去飲野，跟住好夜都未返，Amy擔心佢出左去搵佢...岩岩警察通知話係後巷發現條被姦殺女屍，身邊有Amy既証明文件...我好驚呀...Amy又死左，阿思又未搵返...
 
我聽到呢個消息既一刻成個人幾近崩潰，莫非天命真係不可違? 我一心諗住返黎改變Amy既命運，但由我出現果一刻開始，所有發生既事都同我已知既歷史唔同...當我以為我成功救返阿思既時侯...事情仍然繼續，只係當事人轉左第個...我究竟係幫緊佢地定害緊佢地?
 


阿思: 發生乜事?
 
我: 阿Yan打黎話尋晚Amy見你未返出去搵你...最後俾人姦殺左...一日最衰都係我....係我疏忽，我應該送你返去就算...唔得，我要返去救Amy...
 
我講完諗都冇諗就直接係阿思面前啟動左時空之門.....
 
===============================================================================
 
日期: 2010年8月14日
時間: 00:00


地點: 深圳大梅沙
 
我極速去到酒吧搵到已經半醉既阿思，乜都冇理就直接將佢抬左返酒店，但都係遲左步，Amy已經出左門搵佢...
 
我: 你好好睇住佢，邊度都唔好去! 我會去搵Amy返黎
 
當我帶完阿思返酒店交左俾阿Yan照顧出發去搵Amy時，阿思企左係我前面...
 
阿思: 究竟發生乜事，點解會有另一個我，你究竟係咩人..
 


我: 我而家冇時間同你解釋咁多，我如果慢一步就救唔到Amy，你乖乖地係房等我返黎，我救返Amy後再同你解釋。
我完全冇為意因為我既疏忽同大意，令到阿思都跟埋我返左黎呢個時空...但我真係冇時間同佢解釋咁多....我唯一可以做既只係叫佢等我返黎解釋，跟住我就好似個癲佬咁衝左出去...
 
我第一時間跑去阿思當日遇害既後巷，我見到上次輪姦阿思個幾個男人正係度圍住Amy，果一刻我咩都冇諗，見附近有枝棍，拎上手就衝左出去，見人就扑，再趁亂捉住Amy隻手起勢咁跑返出大街....
 
Amy: 好彩有你JA，點解你會知我係度既? 呀...你流緊血...
 
我: 我地返去再講...
 
始終係條街度仲有變數，我繼續拖住Amy跑返我酒店房...
 
阿思: 發生乜事，點解你流晒血???
 
Amy: 點解你會係阿Sam間房?
 


兩個女人你一言我一語咁係度嘈，人往往係危機既時侯都會爆發無窮既威力，而家危機叫解除左，我望住自己被血染紅既衫，我眼前一黑...
 
阿思 & Amy: 你醒啦，你頭先流左好多血...我地好擔心你...你唔好郁，抖多陣啦...
 
我: 我暈左幾耐? (我知道呢個時侯每分每秒都好寶貴，因為我從來未遇過兩個當事人同時出現係同一個時空，我唔敢想像如果佢地相遇會發生乜事)
 
Amy: 差唔多1個鐘...我本身諗住打俾阿Yan叫佢黎幫手照顧你，但阿思話唔好...叫我等你醒返先...究竟發生乜事? 點解阿思會係你間房既? 你唔係同阿Yan一齊嫁咩?
 
我: 你應承我，一陣我所講既事，你一句都唔可以話俾阿Yan同阿思聽?
 
Amy: 阿思咪係度囉...佢點會唔知...
 
我: 總至你應承我好唔好?
 
我如實咁將我穿越既因由同發生過既野講左出黎，Amy個表情充滿住驚訝，當阿思聽到Amy爭D做左佢替死鬼果一刻，亦流露出訝異既表情。


 
Amy: 阿思，佢講既野係真?
 
阿思: 係，頭先我一直跟住佢，見住佢點樣係酒吧搵到飲到貓晒既我，跟住再送我返酒店..
 
Amy: 咁我應該點做?
 
我: 你問題不大，你繼續乜野都扮唔知，唔好將見到既事同任何人講就可以...至於阿思，我仲諗緊，你而家返番去搵阿Yan佢地，同佢講我搵返你後臨時有事要處理，之後我會再聯絡你...
 
Amy: 好，多謝你為我做既所有野...
 
Amy佢錫左我一啖後就走左，房入面得返我同阿思兩個...(待續)