一個書生既Player故事: 作者的話（一）

【花小姐對書生故既睇法】
 
 
寫大學故好Random，無Plan過好隨心，名亂作，連書生呢個人都係寫寫下先變咗主角。
 
到寫書生故，真係有諗過個Flow，想盡返D社會責任。原來我寫既野可以影響到人。
 
我唔想好似大學故咁，好多人睇完同我講想做Player。我有一個Ex睇完大學故，掉晒佢最深愛既Ex既野，打咗篇長文俾我講覺得佢以前幾傻，要醒覺，要做Player。當年（已經係大學）我同佢錫都未錫就覺得唔適合分咗手。睇完篇文，竟然問我做唔做SP，真心Hurt。
 
朋友：「睇完個故，我好似更加瞭解你既內心世界」。


 
冤枉呀。我寫不代表我，入面好多林書生既觀點、做法我都唔同意。
 
唔好將佢套用喺我人格度。唔通我寫殺人小說，就要殺過人咩？。。。
 
 
 
留意到身邊好多荒謬而病態既觀點。
 
細個仲講緊中學生應否談戀愛，到2018年，呢個年代無左呢枝歌仔唱，就來變成小學生應否搵SP。



搵SP、叫雞就好似食煙飲酒一樣，總會認識到呢D人。

部份人對愛情唔認真，仲會將自己既錯誤加以推卸喺人地身上。



喺大學故讀者神化晒書生，話佢好Charm好吸引。

呢個故就將面具撕開，好Charm？只不過係外人唔理解佢腐爛既心靈有幾令人作嘔。



書生係一個好撚廢、滿腦歪理試圖合理化佢既仆街行為、自私、唔知自己想點既男仔。

除咗先天既優勢同埋江柏琪，佢既人生可以話係無乜野值得令人自豪既事。



我都認識幾個Player。

每次見到佢地，我都會諗，到底係乜野經歷會令到佢地變成咁？



書生故就係我對一個Player性格形成既幻想。



表面既林書生食好多女好似好風光，但Player既內心世界好復雜，辛苦唔易做。

打破從小到大既道德觀，不停挑戰同質疑自己既價值，其實好壓抑，自我認同感低。

又要喺不同女仔既性身上尋找認同、獲得自信、釋放慾望，形成一個惡性循環。

扭曲既價值觀令佢好難再有一段信任同完全既愛情。

愈玩愈寂寞，愈唔相信愛情，係我留意到身邊唔少Player朋友有但不自知既精神缺口。

唯一可以救贖佢既唔係一個真命天女既出現，而係林書生自己。

想認真，無人可以阻止佢。

可幸既係，無論你前面既人生幾咁不堪入目，往後既故事都仲有改寫既機會。





唔好俾完全接收社會俾你既思想，風氣可以由自己去改變，一齊感化身邊既Player，煩死佢地。

改變要係向好果方面。

唔好做Player。
 
唔好做Player。
 
唔好做Player。
 
人地做Player傷害過你，唔等於你要做返同樣既事。
 


更加唔好咁蠢對Player沉船，因為
 
受騙的那個比騙徒夠混帳。
 
受騙的那個比騙徒夠混帳。
 
受騙的那個比騙徒夠混帳。
 
很重要所以要重覆三次。