一個書生既Player故事: 作者的話（二）

唔想知花小姐既無聊野就skip咗佢～

【花小姐的話】

2016年12月10日，我將《一個普通女仔既大學故事》Post喺連登。

2017年2月16日，徇眾要求，我以林書生為主角，寫咗《一個書生既Player故事》。

2018年4月14日，DLLM，我終於完到故啦！總共有三十六萬字！痴線嫁！




【點解你會開始寫故？仲要係寫甜故】

話說，讀者PM我通常都會問我呢個問題：點解你會開始寫故？仲要係寫甜故。

我手寫既日記可以載滿一個A4盒，5P年代都寫過口語MK愛情故、書面語既愛情故、開始咗唔夠一萬字就放棄既武俠小說（果個暑假啱啱睇完金庸手痕）。。

做作家係我兒時既夢想，不過由我準備公開試開始就唔記得咗佢。




我同自己講，畢業啦喎，學生時期，仲有乜野想做既野未做嫁？

不如試下故仔寫上高登！高登仔唔甜唔鐘意嫁！一係唔寫，一寫就寫甜D啦。

大學故係我讀Final Year既時候寫。

某一晚無聊喺房一個人飲燒酒，飲到Wing wing地有靈感就好興奮坐喺電腦前寫故，一寫就由凌晨一點寫到朝早五點。

『算啦，咁既文，邊會有人睇。』



結果我花咗幾個全日完成咗七成既內容就放底咗。



過咗唔知幾耐，有個好熟既朋友Share咗某甜故Post俾我。

我睇完同佢講：「我都寫咗個甜故。」

將我內心深處既「秘密」Share俾佢睇。

點知佢話好好睇，叫我Post上高登（當時啱啱開咗連登無耐？），仲係咁催我寫埋個結局。

我聽佢講，膽粗粗Post上黎，點知反應又唔錯，就繼續寫落去。

我做野經常半途而廢，可以睇劇睇到大結局突然無興趣就唔睇；睇書唔好睇都係會睇一半。



本來諗住寫三個月就完，點知一寫好似香港既基建咁，超時超資，咁就寫咗一年幾，完極都未完。

真心多謝多謝多謝多謝讀者們每日都追我既文。

我好享受同讀者既互動，好似多咗一班朋友同我傾計，例如會員林書生、Stephanie、Maisy、江柏琪、Wade、林書生個丁丁bb仲有其他成日留言既會員等等，我通通都認得。。。

如果無你地留言，容易放棄既我一定堅持唔到今日。

再一次多謝你地鐘意我寫既文！

有讀者朋友問我有無諗過出書，緊係有啦。

不過自問文筆太差，我要再默默寫，鍛練下～



堅持寫返個三五七年，多D人認識，某日應該可以做到？！！！Hahahaha


【吐嘈】

我要吐嘈下！！！兩日一文連載真係超級辛苦！！成日都話唔想寫（然後低頭繼續打字）。

一篇文可能你地睇五分鐘，但我平均要寫三個幾鐘。（結局由我兩點寫到十點，媽呀）

連載完全改變咗我既生活習慣，從前可能一個禮拜出去食五日飯、Weekend會飲下酒，而家約人都要Plan最多只可以一三五。

撞正上堂或者正經事，就要挨夜唔夠瞓。

撞正Weekend要Post文，飲酒緊都要趕車返屋企出文。



連去旅行拍拖都要喺車程、酒店寫文。

花先生話，如果我可以將寫文既精力用喺返工就Fat fat，Haha。

係咪值得一讚先？

真心Respect所有作者。讀者們耐心等文，叫佢休息下，讚多D佢既文（唔好都要話俾佢知等佢改善），佢真係會好開心嫁～～～



【未來既計劃】

我要休息下。

我要瞓覺。



想將生活既重心放返喺進修讀書。

可能三個月至半年後先至開始寫中短篇既小說，目標二十至五十篇？

到時敬請留意我既IG（Fuctoria）
https://www.instagram.com/fuctoria/
有新消息會話俾大家知。

Follow我生活日常～叫埋朋友Follow～

多D人認識，我第時就有機會出書啦 

好似朋友咁得閒pm我傾計，講下你既故仔，或者想我寫既題目，俾靈感我都Okay嫁。

（注：返工唔應機，回覆很慢）

多謝郭位～