一個書生既Player故事: 三七三

「拜拜。」我話。

「拜拜。」Stephanie話。

返到屋企，我收到Stephanie既Whatsapp。

Stephanie：【每段戀愛都有一首主題曲，呢首歌將會係代表我地故事既歌。以後每當我聽到呢首歌，見到呢個牌子，走過呢段路，我都會諗起你。你係我既好多既第一次，亦有可能係唯一一次。我鐘意既人同我講鐘意我，但唔夠鐘意，我永遠都比唔上另一個人。我個心好痛好痛，我好憎自己，點解要做出咁既決定，都好後悔。我錯誤估計你想要一個淫賤既女人，故意表現得更淫賤；點知原來你唔鐘意咁樣。如果當初無咁易同你發生關係，會唔會從此改寫結局，今日你既女朋友會係我呢？如果當初無同Felix食飯，無認識過你，我會唔會又過得更好？我唔甘心。點解我就係唔可以同你一齊，點解Ken又係咁，你又係咁，我永遠都係要做十六號愛人，要做後備果個。點解你做Player可以話放手就放心，你好冷血，份人好似無感覺，咩都傷你唔到，總係玩世不恭。點解我做唔到Player，點解呀？真係好諷刺！傷我既人勸我開心，祝福我搵個更好既男人，明明搞到我咁傷心既人就係你！】

我：【Sorry】牽動了情緒。我份人真係咁冷血咩？



每個人既玻璃心程度不一，唔係每個人都可以好似我同Michelle咁睇得開。

然後就沒有然後了。

只是，向來很多頸鏈既Stephanie，往後喺Instagram見到既相都係戴住我送俾佢既頸鏈。