一個書生既Player故事: 三七二
我揸車去到Stephanie屋企樓下等候，係踢住拖熟悉既街坊Look。
Stephanie向我揮手，我打開車門，叫Stephanie：「上車。」
「做咩今日咁好慶致？仲揸車叫我出黎。」Stephanie一上車就問我。
「經過City果頭咪搵下你。」我開車，隨便兜風：「有無地方想去？」
「唔知有乜野地方去。。去飛鵝山？」
「好喎。我都未去過。」開返個GPS導航，咁就唔怕啦。
「你女朋友呢？點解你可以出到黎既？」Stephanie問。
「佢返緊Shift，我放工喺屋企對住四面牆，實在太無聊啦！」我繼續：「至於點解可以出到黎。。有問題咩？同佢講聲咪得。」事實係佢咁忙碌又返Shift，我請幾日假去飛一轉佢台灣都唔知啦。
「佢唔會嬲你同其他女仔遊車河咩？」
「點解要嬲，我地遊車河又唔係做D咩。」只見飛鵝山既入口街燈微約：「嘩，咁鬼黑，D路又窄。」
我較少揸上山既經驗，一切行動都小心翼翼。
「Sor 可能我諗多咗。」Stephanie道歉。
「我地係好耐無見，你都唔洗咁見外既。」唉，佢每一句都咁見外。
我地停泊咗喺山頂睇風景最靚既位置，沿途見到唔少車輛泊咗喺附近。
閒日夜晚竟然有人扎營傾計，撇除平時日頭變夜晚既天色，氣氛就好似星期日既塔門一樣咁合家歡。
想車震扑野，我諗飛鵝山唔會係一個好既選擇。
Anyway，呢個並唔係我搵Stephanie既原意。
「好靚阿。」Stephanie忍唔住舉起電話影相：「明明都係同一個人，揸車既感覺瞬間變得好有能力。」
「女人既虛榮感。」我將早已準備既「I will always be there with you」頸鏈盒遞俾Stephanie：「之前應承咗你既野。」
Stephanie感到驚訝：「嗯？」
「我以為你講下。」
「我林書生幾時會走數，講過就算數。」
佢打開禮盒，話：「份禮物咁貴，我唔可以收。」
「我公司做緊既Project，用員工優惠買嫁。」我故意將份禮物講到好不經意地買：「你唔收，我條鏈都無用武之地，唯有獻俾垃圾桶。」
「好啦。」
「你係一個值得人錫既女仔，唔好咁無自信啦。」
收一份禮物都覺得咁負擔，一係平時好少人送禮物俾佢；一係佢覺得自己唔值得收到禮物；或者係唔想同我有太多交流，Which我唔覺得Stephanie對我係咁。
Stephanie望住我，彷彿我看穿佢既心事，又低頭望住果條頸鏈。
佢既表情好複雜，我車佢上山睇夜景佢開心，收到頸鏈卻有一點疑問，眼神中又有帶點憂鬱。
「做咁既樣呀？你唔開心咩？」
Stephanie聽到之後低頭，扁嘴一副想喊既樣子。
我無預想過佢會有咁既反應，弄得我有點不知所措。
「你唔好對我咁好啦。」Stephanie話。
「點解我要對你唔好？」我答。
「你已經有女朋友，仲係用咁溫柔既語氣同我講野。你都係想我做SP姐。」
「我唔係想搵你做SP。做SP我直接扑，唔洗特登搵你仲送野俾你。」
我話：「我只係想表達我既心意，多謝你俾咗一段好美好既Hall life我。就好似條鏈上面寫既，無論係開心定開心事，我都會喺你身邊支持你。」
「你根本由頭到尾都無鐘意過我，你只係鐘意我既身體。」
「唔係你咁諗。對我黎講，你係一個好特別既人。」
「。。。」
「我真係鐘意你。只不過我地Timing唔啱。」
「。。。」
「唔一齊可能係件好事，起碼唔會分手。做朋友，可以走更遠。」
「你成日都覺得一齊實會分手。」
「現實係唔容易長久。」
我同Stephanie既性格，並唔係可以長久一齊既組合。
佢太文靜，心思亦敏感，要我好似湊女咁照顧佢，係唔適合我，佢同江柏琪係完全唔同既類型。
好多時候，有Feel唔代表適合拍拖。所以點解咁多朋友最初愛得轟烈，最後卻要分手收場。
因為唔適合。
相愛容易相處難。
「乖啦，唔好扁嘴。」我輕撫Stephanie個頭。
「你啱啱叫我唔好咁無自信。」Stephanie話：「都講得啱。」
「我一直缺乏自信。由細到大，我都係好摺既人，從來都無人會留意到我。」
Stephanie話：「我渴望被人渴望，一旦有人注視我，我就會覺得自己被接受，終於可以成為主角。」
「因為咁，我先至會咁容易將自己既身體交俾另一個男仔。無論出發點係鐘意我，定只係為咗身體既快感，只要果個男仔對我有所需求，我就有存在既價值。」
「你仲有搵其他SP？」
「有。我仲好隨便咁同咗一個唔鐘意既男仔一齊。我同佢講咗分手，傷害咗佢。」
「。。。」我無責怪佢，我都係有份喺佢身上佔便宜既男人。
「我可以俾少少意見。你諗下自己到底想要一段點既戀愛，再用點既態度去對另一半。」
「你無需要用身體去交換一個男人既愛。如果個男人真心對你，就算你唔同佢扑野，佢都一樣會咁愛你。」我好少將心入面既諗法話俾人知，講完斷自己米路無得扑咪好On9。
「重點係，你要識得愛自己，唔可以再將自己放喺低下既位置。一段健康既關係，應該係平等，而唔係某一方面不停遷就。」
「當然，你愛佢既話最好有得扑。性都係愛好重要既一部份。」
「點解你對我要講Timing，對你女朋友又唔講？」Stephanie問我。
「你想聽真話定假話？」我問：「你係問緊，你同我女朋友既分別係咩？」
「講真話唔該。既然你都承認你鐘意過我，我真係好想知道原因。」
「你估下。」我賣關子：「不過，死因係乜，重要咩？」
「你同女朋友未扑野？」Stephanie問。
我話：「最近搬咗一齊住先開始，我等呢一日，等咗好多年啦。」
「所以我就係輸俾佢呢樣野？」
「係。男人係咁賤嫁啦，容易得到既野唔會識珍惜。」如果Stephanie無俾我扑，可能Quit hall後就會去馬同佢表白。
Stephanie無語，氣急敗壞地說：「好痛，我個心痛，點解你可以咁狠心。」
「但係你個樣一啲都唔心痛。」佢似嬲多啲。
我調戲Stephanie：「原來你咁鐘意我，咁在意我點諗。」
「係鐘意。。過。」Stephanie話：「你咁既人，唔值得我鐘意！我憎死你！」
「我都好憎自己。你一定會搵到俾我更好既男仔。」我笑話。
「希望會有。」
「係一定會。」
「播歌。我唔想同你講野。」Stephanie話。
「想點咩歌？」
「忘川。」
「車你返屋企。」
https://youtu.be/4lLuW3_NwCI
忘記了 那鐘聲響徹城市
所有淚流過了 能消退就似汐潮
離去你 遺憾留在千千哩
仍然掛念你 奈何她跟你一起
你勸我開心 天天開心 新戀愛隨時光臨
遙遙萬哩那個人 已有愛人 我卻是個路人
前塵投進河裡 隨潮浪沖洗去再別覓尋
流逝回憶 回望如暮色般遙遠
河畔那鐘聲卻又很近
常錯覺 半空的飛鳥是我
想拍翼來看你 誰知最後跌落河
人已別去 黃葉從異鄉飄過
回頭你在笑 埋藏眼內那不安
你勸我開心 天天開心 新戀愛隨時光臨
遙遙萬哩那個人 已有愛人 我卻是個路人
前塵投進河裡 隨潮浪沖洗去再別覓尋
流逝回憶 回望如暮色般極遠
堤岸情侶身影又很近
看 這新月發光 或是自願無言地照在錯的河
過去我算是錯麼 偏偏悔意沒有幾多
多謝你關心 天天開心 新戀愛隨時光臨
遙遙萬哩去遠行 也有趣聞 碰上幾個路人
前塵投進河裡 隨潮浪沖洗去再別覓尋
流逝回憶 回望如暮色般極遠
堤岸情侶身影又很近