一個書生既Player故事: 三六三

「花、公仔。」江柏琪將花遞俾我，仲喺佢既大袋度拎咗個Line兔兔公仔。
 
「點解係Line兔？」我問：「我個樣似隻兔咩？」
 
「我畢業果陣，你送返隻熊大俾我。」
 
「哈，情侶畢業公仔？好呀。」
 
「你睇下我對你幾好，禮物都唔洗你諗。」
 


「你個毒撚驚無人送公仔俾你咋？」我串佢。
 
「咁收返囉。」江柏琪話：「講笑咋。你今日安心影相，咩都唔洗理，我做你既工人一日。」
 
 
今日基本上全日都會喺U Circle企，等候朋友既來臨。
 
我有發出邀請朋友，大多數人都話放工黎，即係我要喺度企六七粒鐘先等到各位黎影相。
 
最怕就係那年十八，舞校舞會，站著如嘍囉，毒撚一個，無人黎搵我。


 
著住白色斯文連身裙既江柏琪仲化咗妝，夾曲咗頭髮，臉上既珠光粉使得佢個人感覺精神飽滿，容光煥發，吸引到我身邊同學既注意。
 
帶江柏琪出來見人，完全唔會失禮。
 
「咦咦，女朋友？」Parsons問。
 
「係阿，佢叫江柏琪。」我攬住江柏琪，互相介紹：「Parsons、靜宜，係我班上拍爛檔既同學。」
 
江柏琪有禮地點頭打招呼，幫我地影相。


 
一路以黎都有好多班上面既同學搵我影相。
 
「唔知Felix今日會唔會黎？」我問Parsons。
 
「我琴日Whatspp問咗佢，Felix返工唔黎，Wade lunch搭地鐵過黎。」
 
「哦。。Felix呢排點呀？」
 
「我淨係知佢同Janice分咗手，同埋忙住返工，日頭做健身教練，下午就做籃球教練，好忙咁。」
 
「都好既，佢同個八婆分手。」江柏琪喺度，我就廢時講咁多：「下次約佢出黎食飯。」
 
「要啦，好耐都無齊人。」Parsons問：「Btw，Stephanie黎唔黎？」
 


「唔知，我無問佢。佢仲未Grad，應該落堂會黎掛。」
 
「喂！！仔！！好耐無見啦！！」一把久違既聲音出現，竟然組媽Cammi同埋Eric。
 
「周圍都係你阿媽。」江柏琪笑我。
 
「我都唔想嫁，老豆處處留情。」
 
「我以為你地唔黎添。」我話。
 
「Lunch偷少少時間過黎都得既。」Eric話。
 
Parsons：「影相先。」
 
「奶黃包迷你Re-u照，放上Group先。」Cammi話。


 
「啱啱識你地仲係一個On居居既Freshman，眨下眼就畢業。」向來玩野既Eric突然感嘆。
 
「Cammi，你又老咗。」我話。
 
「屌你識條春咩，我叫成熟。」
 
「係既係既。」
 
「你仲有無Friend喺度要搵佢影相阿？」
 
「無啦，我呢D老野離開咗學校，唔識新人嫁啦。」Cammi話。
 
「喂，差唔多要走，搭車返公司。再約啦。」
 


寒暄一番，佢地好快就離開。