一個書生既Player故事: 三六一

「阿。」點解會咁眼瞓。

點解請假去學校既畢業禮仲要早過返工起身，我睇唔透。

「阿仔，Happy Graduate！你係爸爸媽媽既驕傲。」我突然覺得，買樓既Timing有種送畢業禮物俾我既感覺。

我：【叫屋企車埋你？】
琪：【唔洗啦..  我上咗地鐵啦..】
我：【咁早】
琪：【廢時遲到嘛】



大學無家長日，所以即使喺度讀咗三年書，我都係第一次帶父母黎自己既學校。

「我平時成日去圖書館借書嫁。」我話。

「阿仔，你咁就唔啱啦。講大話，都要有個譜。」阿媽話。即係話，有個譜就可以講大話咁解？

「呢度就係Podium，想慳錢食頹飯既AC1 Canteen。。」我滔滔不絕地介紹學校各個「景點」，腦內回憶盡現。

琪：【我到啦，你喺邊？】


我：【U Circle】聰明既佢一定知道喺邊。

好快，江柏琪就搵到我同父母。

「Hello，Auntie、Uncle你地好。」江柏琪一見到我父母，就90度鞠躬，超級有禮貌地打招呼。

我一把拖住江柏琪，向父母介紹：「佢就係我女朋友，江柏琪。」

呢個係一個自然地將女友介紹俾父母而不會太尷尬既場面。



「你好，你叫我林太啦。」媽媽既語氣都幾友善：「書生識到個咁靚既女朋友，真係福氣。」

「邊係呢，你太過獎啦。」江柏琪話。

「邊係呢。阿媽，你咁就唔啱啦。講大話，都要有個譜。」我引用返佢啱啱同我講既野。

江柏琪啤咗我0.5秒無出聲，換轉係平時，我應該俾人用粗口問候咗好耐。

「咀gel gel你就叻。」爸爸話。

「畢業典禮即將開始，請各位賓客盡快入座。」

「你地入去先啦。陣間再傾。」我話。

江柏琪同爸爸媽媽一齊進場就座。