一個書生既Player故事: 三四七

分享下舊朋友們既近況，我得閒都有Whatsapp下佢地。

Michelle因為流出事件抑鬱，但卻因此令佢發掘到自己既藝術天賦。Michelle既重口味畫作，被外國既品牌邀請合作。由藉藉無名既富家女，變成人氣畫家，開始接到其他品牌既Job，小有成就，最近仲飛去外國睇畫展，同各國既藝術家認識、交流，感覺係就上流社會既玩意。其實Michelle係一個聰明又有才華既女仔，即使唔靠家底，以佢既能力，都可以生活得好好。
 
讀HKU Civil既羅嘉樂畢業後去咗Consultant既木人巷閉關，一個星期返七日工，朝九晚十二，免費OT依然日復一日咁努力。因為佢相信只有刻苦耐勞，先會有美好既錢途。基本上十次有九次搵佢都喺公司，我地唯一食飯既地點就係佢公司附近既餐廳。急急腳食完，呢個痴線佬就會返Office繼續埋頭苦幹。我希望佢同LKF樂瞳唔會因為咁痴線既工作而鬧架分手。
 
陳詩詩同肥傑都係做返本科既行業。陳詩詩又轉咗一個新男友，喺一間出版社度做日文翻譯。肥傑則去咗間中學做實習社工。陳詩詩最後都同男友分咗手。肥傑則Come on james三年大學生涯都無拍拖。

阿婷讀神科返ibank，聽聞Bonus係十個月咁計，不過代價係有返工無放工。



丁丁仲同緊佢男友一齊，打算儲錢結婚，自從一齊咗之後，佢都好專一。返工之後有時間出黎都只會見男朋友，食飯都排隊都輪唔到我。

至於Stephanie，已經無聯絡。。。我都習慣咗呢種人來人往，都無咩值得傷心。我同自己講，有過便無憾。

唉，返咗工之後各散東西既感覺比起中學畢業差得遠。

每個人都有佢地忙碌可憐之處，身不由己。

返工之後，好多時候想出黎見一面都好難。