一個書生既Player故事: 三四六

講笑姐，我都未遇到我既真愛，仲未結婚，點可以俾佢咁快完。

畢業之後放咗兩個禮拜好短既假期，我就開始進入社會大學，入咗爸爸做打工皇帝既公司做MT，會遊走於Sales & Marketing、Finance、Customer Service唔同既部門。

呢間公司係做首飾，可以當作係P字頭或者係T字頭級數既國際公司。

作為一個Freshgrad，公司既人年齡比我大係正常中事。

有唔少中女、老屎忽、外國人，比較年輕既女人一係有男朋友，一係就結咗婚（再講，我對佢地既成熟都無興趣。男人幾時都係鐘意年輕貌美既十八廿二），連可以發展既對象都無，想喺公司搵食都難。



每日既工作令我心力交瘁，放工只想回家休息。

偶爾星期五會去下Happy Friday，搵Parsons落Club。
 
但更大多數只會單獨相約一兩位好朋友出黎食飯閒談。

我既日子又回復返住Hall前既寧靜，過得比較毒。