一個書生既Player故事: 三四五

喺度住得果一年，以為男仔兩袖清風既我擺咗好少野喺Hall。

Turn out幾個紅白藍膠袋、A3紙箱都載唔晒回憶既痕跡。

櫃頂無數個空酒樽要清走、Felix叫林敏兒幫我淘寶買既Ps4手制、Wade同我喺荷蘭買既大麻圖案鎖匙扣、Parsons搞既O Camp剩餘物資核突Camp tee、Stephanie喺長洲買返黎同我一齊整既萬花筒、因為參加Sing Con同層女仔們寫俾我既打氣字條、Hailey生日影既即影即有。。

太多既回憶無辦法一一記底。

仲記得初初入大學，我問自己三年後會喺大學帶走D乜野。



知識？女朋友？朋友？回憶？

我都總結唔到自己呢三年來經歷既野。

大學既知識係好有用，只不過唔算用功既我喺學業上拎唔太多野，我讀既唔係太專業既科目，未來或許會封塵Notes用來墊枱腳；中學學Differentiation或者Statistic有幾多人真係用返喺職場丫，大學都係一樣姐。

女朋友。。叫做同Michelle共過患難，會係做到朋友既「EX」。。至於Stephanie。。畢業後可能已經各散東西。

我唔肯定認識到既朋友，有幾多人係畢業後仲可以Keep到；至少我同Felix有可能已經各散東西，做唔返朋友。



我可以帶走既，就係呢啲回憶，呢幾件物品，當作發生過既證明，一切並非虛構。

三年來發生的事，僅此而已。


我望住房間既深藍色床單。

比起當初入Hall果一日見到既一撻撻水跡，好似又增添咗唔少。

等我果陣仲笑人地無公德心唔識扑野。



Sorry阿，原來真係會成日唔記得墊毛巾。

明白到Hall係一個幾咁方便既炮房。

參與咗唔少愛既製造過程。

床舖就當作係接力棒，將住Hall花花世界既陋習傳承落去俾下一代。



結果，直到真正做Quit hall手續果日，我地幾個都無人齊食到一餐飯，的確有啲遺憾。

我只可以同Parsons、Wade留下一句：「再約。」



就搬行李上Gogovan。

一個書生的Player故事完。