一個書生既Player故事: 三二一

[Snapchat] 你傳送了一張照片給 Stephanie。
 
凌晨三點，我Send咗張相喺床既自拍俾Stephanie。
 
我：【alone and i m so boring :(」】
Step：【我都好悶。落黎陪我hea陣呀。】
 
 
佳人誠意拳拳既邀請，我當然無拒絕既理由，所以我半夜落咗Stephanie既房間。
 


最令我印象深刻既係，我無法推門而入，Stephanie竟然會鎖門。

「咯咯咯。」我敲門。喺Stephanie既房間門口等待。

今次係我第一次去Stephanie間房。

平時想搵人就直接推門，要企喺人地房前等待裡面既人開門，呢種感覺有種難以言喻既緊張。
  
「嘩，乜有人住Hall會鎖門架。」我一進入Stephanie間房，就好唔客氣咁坐喺Stephanie張床度。



「係呀，驚半夜有色魔入黎我間房姦左我。」Stephanie坐喺電腦椅上面開機，用冷面笑匠既語氣講。

今日係久違既住Hall頹Tee沙灘褲Look呀！

「果個一定係我，黎姦左你。」我都回應返一句無聊既笑話。

「哦。」Stephanie懶得俾反應我。

「點解你一入房就知我張床係邊面既？」Stephanie望住我問。



「你部電話擺咗喺枱面。」我拍住張被：「仲有，你張碎花床單Snapchat影過俾我睇。」

「你咁都記得。」

「只要係你Send俾我，我一定會記得。」我講完就周圍觀察Stephanie既房間，睇下可以知道D咩。

Stephanie客房好整齊，無乜雜物。所有野都收拾得好工整、有條理。喺掛櫃最底既果格，放置住幾個名牌首飾盒，裡面載住唔同既頸鏈。

原來Stephanie都會買名牌，我從來都無留意到。

佢買既仲係我爸爸返工果間公司出既首飾。

「原來你都鐘意買名牌。」我話。

「我平時唔買嫁，淨係會買頸鏈。」



「夠晒斯文。」講起又係，每次見到Stephanie，佢都會戴住幼既頸鏈。有時係字母，有時又係比較迷你既圖案。

「你覺得呢條鏈會唔會太低B？」Stephanie開咗個淘寶，有條魔法棒既金色頸鏈，類似係百變小櫻或者美少女戰士。

「做咩呀？你想買？」女仔都係鐘意呢D低低能能既野。

「想呀，但係淘寶買返黎，一定洗水就生鏽。」

「925純銀喎，人地話生鏽退款。買條百零蚊玩下，蝕咗都唔肉赤。」

「算啦，我寧願俾貴少少買條高品質既頸鏈，Com戴D。買完劣質貨返黎爛咗好傷心。」Stephanie問我：「講開又講，做乜今晚樓上得你一個既？」

「Parsons 搞莊務，Felix返左屋企，呀Wade又唔知去左邊。悶撚死啦。」這是真實情況，今日既我唔想摺埋，偏偏就黎悶死我。



「唔搵Carmen？你應該食左佢架喎。」見得Carmen唔多既Stephanie似乎都發現我同Carmen有少許故事。

「你又知既。我都無同你講。」我開始我既吹水技能。

「估到啦。」

「廢時啦，佢都唔好玩。個樣好放好玩得，上到床就成隻死魚咁。最撚憎就係屌死魚。」明明就無扑。講開呢排Carmen好似唔見咗人，唔知係咪放棄咗，搵咗新目標呢？

Stephanie試圖裝作坦然唔介意，但唔擅於收藏既佢，所有心思都寫晒喺面上，好輕易就一眼看穿。

從呢個表情，我感覺Stephanie對我有好感。

或者，佢都唔係想搵SP，只係想迎合我既口味。

但一轉念又諗起當日佢喺天台花園既表現，加埋最近淫賤既Flirty Message，我諗，只係我單方面既幻想。



真係好曖昧。

Stephanie既一個微表情都足以令我胡思亂想，小鹿亂撞。