一個書生既Player故事: 三二二

Stephanie喺度碌Facebook，睇到邪惡既美食圖。

「食屎狗，半夜先黎upload美食圖。好肚餓。」Stephanie話。

「去食宵囉？」住Hall經常食宵夜，吃的不是食物，而是相處的過程。

心動不如行動，就係咁，喺凌晨四點，我捉咗Stephanie飛的落mk掃街。


熙來攘往既香港同住Hall既生活習慣好唔夾，明明喺同一個香港，我地卻係生活係另一個時區。



最多人出沒既時間我地就係Hall休息訓教，日夜顛倒。

晚上既旺角空無一人，延續學校區域半夜既冷清，唔會覺得陰森，反而更自在。

閒日既凌晨，店舖亦近乎全關。

我同Stephanie胡亂逛街，走到大角咀先至搵到一間食宵夜既大排檔。

我地都好興奮，行咗咁耐，終於都搵到說好的美食。



「宵夜放題，呢餐我既。」我話。

「你話嫁。」Stephanie大手筆落單：「唔該我要四串串燒，雞蛋仔，生菜魚肉翅，魚蛋，燒賣，牛雜，煎釀三寶。」佢好開心咁點，亦都好唔客氣，呢一刻覺得佢好似江柏琪上身。

唔係，以江柏琪慳妹既性格，應該會話好貴，點完又食唔晒，我買返屋企煮俾你食好過啦。

「靚女，你點咁多，食唔食得晒嫁。」大叔店員問Stephanie。

「有佢包底，輕鬆！」Stephanie指住我，笑笑口話。



「你女朋友真係難養。食得是福。」大叔話：「見你地叫咁多野，請你地飲啤酒。」

「多謝晒呀靚仔！」我無刻意去否認什麼。

「唔洗，得閒多D落黎幫襯。」大叔話。

「一定一定。」

老老豆豆，宵夜食咁多真係好Heavy。仲要半空肚飲啤酒，個胃真係有D唔舒服。

我同Stephanie唔曬，要中場休息，拎住個袋外賣剩餘既野食走。

我地一路行一路食。



由旺角行到去尖沙咀海皮，仲加碼買左支啤酒飲。

「5點48分會日出，好快就到啦。個天無乜雲，應該幾靚。」我用電話Check日出既時間。

「嗯。」Stephanie拎住支酒隊左幾啖，無啦啦攬住我。

有人話微醉既女人係最美麗，我望住Stephanie放下戒心既樣子，即使佢無刻意賣弄，佢對眼都好似識笑咁，好有女人味。

呢一刻，比起淫念，我更想欣賞佢清秀純真卻偶爾有女人味既樣子。

我同Stephanie對眼，伸手輕輕地攬返住Stephanie。

Stephanie溫柔地親吻咗我既嘴唇一啖。

就如熱戀中既戀人，無需要太多言語。



靜靜聽住海浪拍打岸邊既聲音，等待日出，享受片段既寧靜。


天色逐漸變光，由黑色變成紅色，再變成美麗既藍天。

天公做美，稀疏既雲做陪襯，畫面心曠神怡。

我影底咗美好既風景，攬住Stephanie自拍去紀念呢個咁美好既Moment。



朝早6點半，我同Stephanie踢住對拖鞋、帶住厚厚既黑眼圈、少許沙啞既聲音、酒氣坐返地鐵返Hall。

「哈哈。人地返工，我地就返Hall。」我感嘆，覺得咁既情景好搞笑。



Step：【書生，多謝你陪左我一個晚仲睇埋個日出。好開心】
我：【我都係】
 
不用確認任何關係，比起同Michelle似乎更有情侶既感覺。
 
如果唔需要拍拖都可以做到拍拖既功能，咁點解人類要用拍拖既名義去限制自己？