一個書生既Player故事: 三二零

[Snapchat] 你收到了 Stephanie 的照片。
 
[Snapchat] 你傳送了一張照片給 Stephanie。
 
[Snapchat] 你收到了 Stephanie 的照片。
 
[Snapchat] 你傳送了一張照片給 Stephanie。
 
 
我同Stephanie又開始返密密麻麻既對話。


 
只要有人願意踏出第一步去破冰，要打破冰封咗既關都可以好簡單。
 
對比起一開始既印象，Stephanie變咗好多，將佢骨子裡淫賤既一面展示俾我睇。
 
Stephanie開始打扮自己。如果時間尚早，我喺Hall會見到佢化咗妝既樣子。
 
天氣由涼轉熱，衣著係帶點休閒乖乖女既味道。魔鬼在細節，Step既打扮比以前多咗點機心既小性感，露下肩、少許波隙，裙都變得愈來愈短，仲有股淡淡既玫瑰香水味道。
 
就好似剛剛俾人破處既女仔，轉變特別明顯。


 
有一次，我見到Stephanie條裙輕飄飄，短到就黎走光，我望住佢離開房間既背影忍唔住觀望佢既屁股，希望可以一睹裙內既風光。
 
我都逐漸俾佢富女人味既一面吸引住。乖乖女既Stephanie很好，但淫賤既Stephanie亦不錯。
 
 
喺未有什麼Fb Story、IG story、TG自動刪除Message功能誕生之前，Snapchat係世上其中一個促進SP溝通或者偷食既偉大發明。
 
我而家無女朋友可以光明正大咁使用呢個App，實在完完全全感受到佢既威力。
 


我同Stephanie已經儲咗好多日火同埋紅心，証明大家都係對方No. 1既聯絡對象。
 
儲火都知道唔會想佢斷，而日漸增長既數字為我地既關係更添上一陣曖昧。
 
Stephanie扮可愛嘟嘴、影住頸鏈其實係想Show心口、白滑美腿照片，配以「你鐘唔鐘意？」「有無掛住我？」既Caption send俾我。
 
我又會用自拍、做Gym影到上半身既相、買咗新孖煙通既相配以「鐘意」「你掛住我多D」「邊條好睇」黎回應返佢。
 
真真假假既對話令人意亂情迷，好想再次更進一步。
 
坦白講，我幾享受呢種似有若無既曖昧。

曖昧總係最美好的。