一個書生既Player故事: 三零一

「Step都算幾飲得。」我同大家食飯，賽後報告討論琴晚一齊飲酒既Stephanie。

由佢琴晚連圍枚都唔識玩，飲酒都覺得苦皺晒眉，就知佢係新手，又溝酒又唔停咁飲，比起有D人一罐啤酒就醉，算好多嫁啦。

「係囉，唔係乖乖女黎嫁咩。」Parsons話。

「可能分手受咗太大打擊，想學壞。」Wade話：「我鐘意壞女人。」

如果係因為分咗手先變成咁，我會覺得好可惜。



我唔想見到另一個我既出現。

好笑啦，講到我好似識咗Stephanie好耐，明明有關佢既一切只係我內心既投射同幻想。

「佢都唔曳。今朝落黎借解酒丸，見到你地一齊訓，仲嚇親話你地好淫亂，勁好笑。」Felix笑笑口咁話。

「好Pure好True。」我用搞笑既語氣讚Step。

「你地就爽啦，都唔知大戰幾多回，難為我琴晚訓喺馬桶成晚。」Wade話。



「一齊訓就好淫亂嫁咩。少年，你太年輕了。」我同Wade講。咁係因為我對訓喺側邊果個人無興趣姐。

「講起，你點樣叫到Stephanie上黎玩嫁？」Wade問Felix。

「落去食飯果陣撞到Step，膽粗粗同佢打招呼，叫佢一齊食飯，估唔到佢又肯。我知你地好想識佢，咪叫佢上黎玩。」

「你睇下成班狗公格現晒型，幾開心。」Mandy同Carmen一臉不屑既樣子，因為我地狗公既對象唔係佢。

「係咁嫁啦。」