一個書生既Player故事: 三零零

訓咗大約八個鐘，喺下午既兩點，有人推門而入，破壞咗我既美好夢境。

好奇怪，呢個人行路無腳步聲，穩約聽到推門既聲音，卻聽唔到有人入黎，我應該仲係一個半夢半醒昏睡既時候。

呢個人打開咗廁所門，就走咗過去。

我諗佢係一個女仔，唔係Hailey就係Katherine；如果係CK，一入房實嘈Q死我。

我醒咗，望下訓喺我身旁既Carmen，訓到成隻豬咁，近睇皮膚一般，算啦都係非禮勿視。



喺呢個寧靜既時間去思考人生。

雖然都唔知道自己諗咗D乜野。

喺度回憶起琴晚酒局既場面。

琴晚都算飲得幾癲。

可能因為考試，大家禁酒咗一段時間，將一直以來既壓力釋放出黎。



又有可能係Felix將林敏兒既事借飲酒去抒發。

又有可能Stephanie既出現，令到大家都好Hyper，更加技入。

下次同Wade飲酒都係飲少D，如果唔係實搞死Felix，哈哈。


Parsons同Mandy係咁搶被，被套磨擦既聲音嘈醒晒我地四個。

唔知琴晚Parsons同Mandy喺被單入面，有無渡過一個性感而淫賤既晚上呢？



就算有我都唔會知，因為我已經訓到成隻豬咁。

而林書生真係做咗聖人，開始會拒絕人，會攬住女仔訓都完全無意慾搞。

酒醉三分醒，你可以決定做D咩。

爛醉根本連旗都扯唔起，仲講話扑野。

所以我成日話，男人話飲醉酒失晒理智搞你係呃人，只係唔想負責任姐。


我RR頭，望下電話，兩點半啦。

「起身食飯？」Parsons都醒咗。



「嗯。」我起身諗住去廁所。

「嘩屌！」我望住喺廁格攬住個馬桶訓緊既Wade，仲有未沖廁既嘔吐物，好想喊呀。

「做咩？」

「佢仲喺個馬桶度。」我推開門，叫Parsons一齊欣賞呢個「情景」。

Parsons第一個反應係拎部電話影底佢個柒樣，放上Group。

「佢起身全身實酸痛到仆街。」我話：「拍撚醒佢先啦，阻住我柯尿。」

我一野拍落Wade塊面：「喂，起身啦！讓返個廁所出黎。」



Wade一臉懵然，眼都睜唔開，唔知發生緊咩事。

「起身啦，而家下午兩點半啦。」Parsons話。

Wade發呆大約半分鐘先至斯斯然咁起身。

我地叫佢沖個涼，換衫，再用消毒藥水清理返整個廁所同房間。

我應該興幸Wade會自己搞返佢既手尾。

同埋佢未到飲醉酒既傳奇級別－－瀨屎（爛果隻）瀨到成地都係、喺樓梯一路跑，兩條友一路嘔、柯尿落街。。。

以上種種既傳奇只屬傳說，如有雷同，敬請留名。。