一個書生既Player故事: 二九九

我同Carmen坐得近，挨挨碰碰，好自然咁訓咗喺Wade張床度，一齊Com同一張被，而Parsons就同Mandy訓咗喺對面。

其實都係飲酒日常既情景，至於抽水既對象係邊個，咁就視乎果晚有咩人。

「屌，你兩條友霸咗我張床阿。」Wade飲醉咗仲識嬲。

「唔想郁阿。」Carmen用好懶慵慵既聲音話。

「你過我度訓啦。」我揮手示意叫Wade離開。



「好賤呀！」Wade見推咗我地幾下都無反應，佢自己一個毒撚準備過我房訓。

「Wade！」Parsons大叫，Wade望一望我地。

「幫手熜燈熄音樂唔該。」

「個燈制咪喺你隔離囉！」

「唔想遞高隻手。。唔該你呀～～」Parsons笑笑口。



「屌你。」

「好快姐。」Wade就黎俾我地班懶友激死，死死地氣幫我地熄燈，熜電腦。

話咁快，Felix就送完Stephanie，返咗黎我地房。

Felix見怪不怪幫我地搬開兩張床中間既迷你枱，將酒杯放入廁所既洗手盤度。

「Er......」廁所傳來遲來又難聽既嘔吐聲音。



我聽到Felix即刻放底杯，係咁拎紙巾俾Wade。

「OH NO!!!!!!!!」Felix好崩潰咁叫咗一聲。

「Wade你唔好嘔落我度，你攬住個馬桶先。」飲酒我最討厭既環節就係照顧會嘔，或者發酒癲會打人既朋友。

仲要訓咗喺暖笠笠既床，真係唔想起身幫手。

一陣而依哦哦既擾攘既聲音，Felix帶住嘔吐物既臭味返房攞衫沖涼。

「靜晒既？」我問Felix。

「我放咗Wade喺廁所，佢今晚應該會攬實佢訓教。」

「成件衫都係Wade d嘔吐物，包住佢掉撚咗佢先。」Felix自言自語。



Felix同我地講：「你地訓啦，我搞掂佢。」

Felix關上廁所門。

一陣花灑既水聲。

開水，關水，開門，關門。

呼，早上六點，房間終於回復一片寧靜。

窗外既天空已經變亮。

我感覺到Carmen喺被入面攬住我既手臂。



Carmen攬住我，手指喺我胸膛上面遊走，一步一步摸落小書生度。

但此刻既我真係太醉，加上對Carmen既性趣真係不大，我旗都無扯就深深咁昏迷咗。。。

無野係比得上訓教既幸福。。。