一個書生既Player故事: 二六五

「啪啪啪。」我搵到對面房既普通樣Carmen同曲髮姣底Mandy。
 
Mandy開門，有點驚訝咁問：「書生？」
 
「熄匙、車牌、身份證，而家要抄你牌。」我遞咗部手機俾Mandy。
 
「下？」Mandy唔識反應。
 
而喺床攤緊屍既Carmen落床出黎，八下到底咩事。
 


「是咁的，Hailey叫我收晒全層既活動費，一人$200，同埋開個Whatsapp Group。」我解釋。
 
「哦。乜收$200咁貴既。」Mandy話：「不如你幫我俾住先啦，我而家銀包無錢。遲D俾返你～」
 
睇佢新光頸領二百蚊Cash都無好無恥阿，一收錢就知道總有好多人會以各種理由走數！問咗十幾條先大約收到一半既錢。
 
我信住佢真係無Cash我誤會咗佢。
 
點解而家仲未有Payme既出現嫁！！收錢真係好麻煩！！
 


「Mandy姐，個個都叫我幫佢俾，我幫到幾多個？」
 
「我都唔係點飲酒～唔夾得唔得阿～」
 
「乖啦，食下糖水宵夜都要啦。」唉～激死～
 
「我幫你俾坐先啦。」Carmen喺銀包拎咗$400蚊出黎。
 
「唔該你呀Carmen！」我好似個保險佬咁要R單追數。
 


「仲有電話。」我遞部電話俾佢。
 
Carmen靜靜地輸入佢既號碼，問我：「你間房有無麻雀枱或者Board game呀？不如搵D野玩下？」
 
「有麻雀同啤牌囉。好呀。」
 
就係咁，Carmen同Mandy黎咗我房玩。
 
當時Parsons仲搞緊莊務未返黎，所以我就叫埋喺格離房Felix一齊玩，混熟一下。
 
「書生，睇你手勢你一定係好少打牌。」Mandy八婆上身。
 
「的確係。」
 
一路打，我喺度分享無聊生活小事：「我今日上堂，有個同學食肉醬意粉，阿Sir講講下停咗。問邊個食緊肉醬意粉。」


 
「咁搞笑？」Mandy話：「咁最後呢？」
 
「最後呀Sir話禁產食濃味既食物，搞到佢好分心上唔到堂。」
 
「你地上堂最勁試過食咩？」Felix問。
 
「Um.. 小學果陣食晒成包糖？」我突然諗起以前同王家欣玩到俾老師罰抄，林敏兒仲同緊我一齊既日子。
 
高小到Year 2 事隔都有七年了？七年黎講。。想當年即刻覺得自己好老，感覺已經開始淡化，佢對我既重要性已經遠比江柏琪取代，我都無再嬲佢當初俾帽我帶。諗返起只覺得係一位好耐無見既舊朋友。唔知林敏兒近來可好？
 
「我試過。。一路上堂一路打邊爐。。」Carmen語出驚人。
 
「咁勁！老師一齊食？」Felix問。
 


「係聖誕節前夕，Lunch同學買野食買遲咗開唔切Christmas Party，班主任乾脆一路上一路食。」
 
「好搞笑嫁，班主任講講下書就停底夾肥牛食。」我不禁會心微笑，有些青春只留在回憶裡。
 
「唔知你有無見過人整穿張木枱飲維他奶。」Felix話。
 
「係呀係呀！好無聊阿啲男仔真係！」Mandy笑到收唔到聲，似乎好有共嗚。
 
明明大家來自唔同既學校，回憶卻也相近，一段輕鬆既對話瞬間將我地拉近。
 
「乜你地喺度自私玩呀！」突然間，Wade由廁所門推門而入。
 
「唔預你玩呀～你睇我地呢面幾多囡囡幾歡樂～」我話。
 
Wade坐落我張床度，周圍望，又手多多亂摷我枱面上面既野。


 
突然間，佢摷到File入面一張地址證明：「林書生，點解你有地址證明既？」
 
「你俾人抽中要Check文件？」Felix問。
 
「係阿，不過我無作分，唔驚啦。」
 
「重點係。。林書生乜你咁撚有米，住中環半山。」Wade講完用電話Google我屋企地址：「屌層樓仲要三千幾萬。」
 
「人生贏家！」Felix話。
 
「咁有錢都要同我計果幾百蚊！」Mandy話，我心諗，我有錢都唔代表要幫你俾。
 
「唉又有得屌Michelle，又有錢，又靚仔，啲女俾你媾晒啦。」Wade話。
 


「。。。」頂，好地地，提乜野Michelle。
 
「邊個Michelle？之前Secret講人院果個？」Carmen問。
 
「係阿，佢咪Av男主角囉。」我屌你阿Wade！難得呢度啲人唔識我，仲諗住可以洗底，硬係要提。
 
「你講真定講假。。」Carmen好驚訝，一副馬榴掩眼既樣子。
 
「真，呃你做乜。我條片仲係電話，開俾你睇。一聽把聲就知啦。」
 
「屌你。」
 
「我地唔好開聲睇，插住個耳機睇啦。」Felix好「Gentleman」咁講。
 
然後佢地輪流帶住個耳機，聽完又聽，睇完條片又望下我，同埋我細佬。

Wade同Mandy帶住一個恥笑既花生表情望住我，而Felix同Carmen則好衝擊，難以置信。
 
「我估唔到你會咁嫁。。」Carmen話。
 
「細佬都。。生得唔錯呀。」Felix好認真咁讚我，拍拍我膊頭。

「人有相似唔得咩！」我死撐。

「你同Michelle去冰島玩唔好恰我唔知喎，日日Story洗板。」Wade話。

「OK 唔講啦。」