一個書生既Player故事: 二六六

我將今日收到既活動錢拎走，行去Hailey房避下風頭。

林書生已經洗底失敗，又要臭朵啦。

Hall Tut房係獨立既一人房，通常會喺走廊盡頭或者天橋中間。

被CK教育完後，我明白熟人既房係可以隨便推門而入，唔洗敲門係文化黎，所以今次我無敲門就入去Hailey既房間，點知就中伏了。。。

我見到Hailey換緊衫，伸直隻手做一個伸懶腰既動作，露咗個黃色Bra出黎同皮膚小麥色形成好大既對比。就咁望一眼感覺佢個胸都幾Firm，胸型幾靚，正評也。



Hailey毫不在意，佢完全無俾我嚇親。佢望咗我一眼，無出聲快快手著返件Hall Tee。呢下我覺得Hailey真係好型。

「Sor....ry呀。我下次入黎會敲返門先。」禮貌上我都要道返個歉。

「唔緊要。。我懶唔鎖門姐諗住果十幾秒唔會有人入黎。。」Hailey打個喊露，坐喺床度：「做咩呀？」

「幫你收咗一半人既錢，俾住你先。」其實我係想黎避下風頭姐。

「邊個俾咗？我Mark底佢。」



我遞D錢俾Hailey。

「過黎坐啦唔好企。」Hailey既邀請之下，我就坐咗喺佢張床。

其實住Hall去人地房無咩位坐，坐人地張床呢件事真係好Causal。

「Katherine、Rosee、阿洋、Carmen、Mandy、Parsons、Wade、Felix。。。」我續個數：「CK話佢俾咗錢你。」

「CK？佢都無俾錢我。」Hailey望住我講。



Hailey外表係運動型，眼大大有少少Mix既Feel都係一個靚。佢唔係走斯文路線，性格有少少大家姐既霸氣，其實佢份人好Nice，細心睇，佢唔笑果陣個樣俾人感覺係西西地。

喺林書生既集郵List入面好似無西面女既出現，我偷偷地欣賞Hailey呢個表情。

「係咩？」

「CK條友仔水你啦！咁衰既佢，下次我幫你話佢！」

「原來想收齊錢都唔易嫁，做Hall Tut真係辛苦。」

「咁電話你問齊未？」
 
 「未呀，不如開住Group先，剩底既等佢地幫手加。」我同Hailey對望。

此刻房間非常寧靜，我同Hailey既肩膀都貼住，我地都忍住咗呼吸。



我偷瞧Hailey既嘴唇，緊緊咬住嘴唇。

對我而言，這是一個很性感而挑逗的Moment，曖昧的氣氛使我有點不知所措。

我呼氣。

成功忍住錫落去既衝動，我唔想啱啱入Hall咁快就亂搞男女關係。

「好呀。」Hailey拎咗我部電話開Group，彷彿什麼事也沒有發生。

不，是真的什麼事也沒有發生。

「係咁啦，我返去房沖涼訓教先。聽朝上九點堂。」



「咁早？Good night。」Hailey禁住電話，漫不在乎地回答。