一個書生既Player故事: 二六四

「啪啪啪。」夜晚九點，我由走廊既盡頭開始敲門。

「咦？班長？搵我做咩呀？」第一位俾我敲門叫出黎既人係兔仔牙Katherine。

Katherine好快就出黎，頭髮濕濕，似係啱啱沖完涼。

同層基本上只有Toiletmate係會見多D，我地係會一齊吹下水、打下機到一兩點，通往廁所門係唔會鎖，可以隨便出入對方房間既關係。

其實開學無耐，夜晚返Hall又會喱係房，就算喺同一層住，都未必會喺Hall撞到。



上次酒局嬴咗做班長，Hall Tut Hailey就俾咗個任務我，要我問晒全層既人既電話開個Group，同埋每人收$200作為全年既活動費用。因為任何活動基本上都唔會有人俾錢，無理由次次都係搞手出晒，最好既方法就係一開始夾定。

所以我而家敲下人地房門，收錢順便認識下R水吹。

「Hi。。Hailey話要開Whatsapp Group，俾個電話我吖。」我一開門就見山講重點。

「下。。哦。。好呀。。6xxx xxxx。」

「其實。。你叫咩名？」Katherine問我。



「我叫書生。」

「係呢，你Roomate喺唔喺度？」

「唔係阿。我幫佢俾埋錢先？」都話呢個兔仔牙Gel甲妹有錢，俾錢都幾疏爽。

「好阿。」於是我好順利咁就收咗$400蚊。

「唔阻你。」我快快手就敲下一個門。




「啪啪啪。」今次到現莊CK房。

「邊個？」有人好大聲係房叫出黎。

「書生呀！」我都學佢大叫，應該全走廊都聽到。

「屌，自己唔識推門入黎嫁？！」得嫁咩？

我用力一推，度門就開咗啦！我瞬間有種發現新大陸既感覺，因為我地既宿舍既設計係關上門就自動上鎖，返房好似舊式酒店咁要插卡入門口。

「屌，點解可以自己推門入既？」我問坐係床尾用電腦打緊LOL既CK。

「屌，住咗兩個禮拜都唔知！你打開度門望下有咩特別。」CK應該係最唔客氣，都可以話最真性情既一位。當啱啱認識其他人仲係相敬如賓好禮貌既時候，佢已經會屌晒你老母。



一班人快唔快熟，有無呢D痴線佬係好重要。

我打開門口，細心留意有咩特別。我喺鎖既凹位拎咗個水樽蓋。

原來咁簡單？！長知識了。

「我仲係扭入個鎖等佢頂住度門唔關。」

「都叫你唔好打咁多飛機，搞到智商咁低～～」

「關咩事！」我走埋去睇佢打LOL。

「唔好行咁前頂塔！JG gank你啦！快D piss！」大叔林書生出現了。單睇呢下，就知道CK打LOL叻極有限！

「Sona招大技CC得靚！」團戰暈撚晒對面班On9仔。



「靚！！！！」用Miss Fortune既CK一個靚執雞Triple Kill，Too bad too bad。

「Call me CK大神！」CK成個黑超Emoji既爽樣。

「妖，執雞咋嘛你！睇我表演啦！」於是我坐底打咗一場LOL，表演俾CK睇乜野先叫大神。

「Btw，你黎搵我做乜？」CK問我。

「Hailey話收$200，同埋我要抄你牌開Whatsapp group。」

「哦。我同Roomate都俾咗錢Hailey啦。」

「Oh very good.」



先入咗第二間房，出去既時候已經過咗兩個鐘。喺Hall既時間真係好快過。