一個書生既Player故事: 二六二
好快就到咗星期一既糖水會。
夜晚十一點，我同Parsons喺房就聽到有男有女喺走廊拍晒手，喺出面嗌：「喂出黎食糖水啦。」
嗌得勁大聲，你係無可能扮聽唔到唔出去。因為佢仲會敲門叫你出去。
「嘩屌，出去囉。」我同Parsons喺房上住網，暗暗期待緊依一刻。
「哦。」我地懶係唔期待，慢條斯理咁出去。
同層既其他人都出咗黎，行去好遙遠既Common，細細聲咁播咗輕快既EDM音樂。
一出到Common，見到一個色膚偏黑，個樣似Mix鬼鬼地既女仔。佢身形偏小，喺著住Camp Tee，從身材入面，睇得出佢係經常運動既類型，第一下俾我既感覺同Felix好似，都係咁陽光。
呢個女仔用把好甜美既聲音同我地講：「快D過黎食糖水啦。」
估唔到，糖水會係食桂花酒釀丸子。
我地大約十幾個人，拎咗碗就自便企喺度食糖水。
「我叫Hailey，係八樓既Hall Tutor。大家唔好咁見外啦，介紹下自己先。」
「801A，Hailey。咁樣快速自介一次啦。」Hailey話。
一個高過我，啡紅色頭髮，眉清目秀有D似台仔既男仔話：「我叫CK，802B，係現莊。如果你地有興趣上Hall莊，可以搵我傾了解下。」
「806A，Parsons。準備上CB中莊。」
「806A，書生，毒撚。」
「扮咩毒呀你！我係Wade～佢Toiletmate。」
「806B，我叫Felix，平時鐘意游水，做下運動咁。」
「好啦，不如到女仔介紹下自己？唔好咁怕醜。」Hailey話。
「Hello，我係Mandy，係住805A既。」眼前呢個Mandy感覺斯文，留住黑色長曲髮，有一對笑眼，皮膚極白仲搽紅色唇膏，偽韓妹類，外表唔差。
Carmen唔算靚，留住長直髮，同Mandy一樣大約160既身高，有點肉地，係一個比較平庸既女仔：「Carmen，都係805A，係你對面房。」
Carmen望住我講。
「係？成個禮拜都無撞過你，哈哈。」我好客氣咁答佢。
仲有眼大大，兔仔牙，Gel咗指甲感覺似有錢女既Katherine，個樣生到四萬咁口，大大個粗框鏡好似陸永既阿洋。
仲有十幾個同層既男男女女，一時間都記唔到咁多，我只特別記得啱啱果幾個人。
「煮酒釀丸子？。。係咪代表今晚會飲酒？」我見大家都唔認識，氣氛有點尷尬就問。
「咦？睇黎你平時有飲開喎！」Hailey彷彿遇到知音人，喺度奸笑。
「飲少少咁啦。」
「放心啦，黎緊呢一年既密集訓練，包你地個個變晒酒筲箕。我會將我地Hall最寶貴既文化傳承落去。」Hailey話。
唔知住Hall係咪真係佢講到咁癲呢？我既人生好似同酒既關係好密切，由初中去長洲網聚、去Cammi Hall玩、返酒吧，酒從來都無喺我既人生入面消失過。
Parsons都係嗜酒之人：「有無酒？」
「（普通話）說笑～呢個Hall點會無酒？」現莊CK話：「等我一陣。」
講完CK就返房攞酒，我同Parsons跟埋去CK房話：「我幫你拎。」
CK係Return既人，間房都係同另一個現莊住，拍床訓，左右兩側既枱拼埋放喺側邊，放咗部PS4同埋大電視，櫃頂放滿一排既大酒空樽，數量不比我返酒吧既少。
而中間既位置有張細Sofa，仲有茶几。
佢將本來左加右角一床一枱既沉悶間格完美改造。
我希望Quit Hall既時候，我間房都會變到咁有特式。
「你間房好似特別大。」我話。
「A房大D嫁嘛。」CK話。
我地喺佢房既私家雪櫃拎咗兩打啤酒，三支大酒出去。
「咁多？」其他人見到我地拎咗咁多酒出黎，都嚇親咁。
「好少嫁咋，轉頭就飲完。」CK話：「咪啦，我驚唔夠，落七樓搵我D莊員班多D酒上黎先。」
「我地今晚主題係競選八樓職位大賽！！」Hailey講完就喺白板劃咗個空白既對戰表。
「咩黎？」
「正經野，要揀人交數，我地揀個班長同埋消防，咁消防都無野做既，係火警演習果陣一定要出現點名咁。」Hailey話。
「最遲醉既，就自動當選呀！我幫你地留晒名啦！」Hailey愈講愈興奮。
「我地每人飲一Shot熱下身先～」Hailey講完就將Vodka齋Lit咁倒晒係Shot杯度。
我地數3、2、1，哼杯，就一飲而盡。
好好笑，我見到對面既Mandy同Carmen飲得好辛苦咁，睇黎佢地平時真係無飲開酒。
「第一Round Roomate對戰！就書生你同Parsons表演下啦！」睇黎Hailey已經點咗我地相，覺得我地係玩得之人。
「好呀。飲咩呀？」
Wade好興奮咁話：「Shot gun啦屌！」
「拿我地12點後先準講粗口呀！」話咁快，CK喺七樓上返黎，仲帶住成班人上黎。
「屌你，12點先準講粗口，玩O Camp咩家下？福音營呀？」應該係CK既莊員。
「我帶咗我地層D人上黎，介紹下啦。」仲有D唔係好熟既新生上咗黎，又係老是重重覆覆又重覆既自介環節。
「黎個快既Round一次啦。」因為唔想再浪費時間，我地每個人都用唔夠一秒既時間去講。
「Parsons」「書生」「Wade」「Mandy」「Carmen」「Katherine」「Sam」「阿洋」「光仔」。。。
「好啦，到你地講，講得慢要罰嫁！」
「Jennifer」「呀Ming」「Joe」「Anson」
「。。Stephanie。。」Stephanie竟然都係住呢個Hall，仲要住喺我樓下。佢著住好住家既棉質上衣，同埋長褲。喺夏天個個囡囡都著短褲露腿既時候，佢竟然係著長褲落黎，特別顯眼。
「你講得咁慢！飲返先啦！」CK呢個仆街，隊成杯Shot俾Stephanie，喺度昆女仔飲酒。
「。。。」Stephanie好尷尬咁唔知點反應，CK既酒已經隊到入Stephanie既手度。
一睇佢個樣，就知佢好乖唔係玩開。
「CK你咪恰女仔啦，我幫佢頂。」於是我喺Stephanie既手中搶過果杯Shot，一飲而盡。
Stephanie無同我講多謝，依然係果個好尷尬既樣，唔識反應。
「你飲下甜水啦，飲酒唔啱你。」我指住果煲糖水，同Stephanie講。地球很危險，快點回火星吧。
「好啦，自介完，我地繼續返啱啱既大戰！」Parsons話。