一個書生既Player故事: 二六一
有人話相見好，同住難，我諗唔會發生喺我同Parsons身上，因為我地都係好容易難處、咩都無所謂既性格。
唔洗鬥快返Hall爭床位，我同Parsons約咗朝早一齊上去Hall Check in擺底野。
穿過AC3，行一條小斜路，一步一步咁靠近我住既Hall，探索住種種未知。
呢個Hall特別之處，係一層有好多房。就咁睇，應該有成20間房，條走廊好似行極都唔完咁，住近尾房想行出去Common都幾遠。
望住806A既門牌，打開房間，舊Hall環境唔算新淨，呢一年就多多指教啦。
Hall既設計係兩房打通，中間就有個共用廁所。舊Hall廁所門可以上鎖，而新Hall用躺門就唔可以鎖既（後來好似裝返鎖），我都唔知住新Hall既人點樣啪啪啪啦。
我同Parsons放底野就敲格離房門，諗住打個招呼，不過零回應，似乎無人係房，可能我地太早黎到。走廊空無一人，寧靜得有點失望。
「你想訓邊面？」我問Parsons。
「是但啦。呢面囉。」Parsons揀咗佢企果面，遠廁所少少。
「喂，你覺唔覺張床褥怪怪地？」入伙第一件事，Parsons諗住舖床單。
「有咩怪？。。」我望一望深藍色床褥，有好多白色半透明既一撻撻既物體。
「屌，好撚噁心。」我話。
「。。。」
「大學生，扑野唔識墊毛巾嫁？」Parsons話。
「你唔撚好俾我見到你張床有水漬呀，我實笑撚柒你呀。」我話。
「我打完 J 射落你張床度添呀，睇你仲夠唔膽笑。」
「我射落你幅牆度。」我都唔輸蝕。
「我射埋落你張枱度。」Parsons話。
「我射埋出條走廊添呀。」
「鬥遠呀？」Parsons大叫：「我顏射你添呀！」
「射我呀！！！除住褲等你！！！」我即刻玩野除咗條褲落地。
Parson都除咗條褲係度Fing。
「Wow～～」「屌屌屌屌屌屌屌屌屌屌屌屌～」「阿阿阿阿阿阿～我隻手好撚攰阿～」「射啦射啦射啦～」
我地兩個就咁著住底褲對坐大家，一路好偎鎖咁笑，一路扮小豬既光速屌西舞，場面極On9。（可以想像到黎緊一年會有幾On9）
就喺依個Moment，有人喺廁所門撞門而入。
一個係著住背心好多毛既Wade，而另一個係一個陽光型，皮膚黑黑實實，身材好Firm 180，第一眼望落去都幾Charm既男仔。
「。。。」
佢兩個入到黎見到食個情景，都O咗咀唔知俾咩反應，陽光型男仔個口直頭呀大咗收唔返。
「林書生你中途轉Gay？」阿Wade用一個On9忍笑既表情去打破我地既沉默。
「完啦好嗎。」我同Parsons都即刻著返條褲。
「第一次見面，失禮晒失禮晒。」Parsons開咗官腔Social Mode：「我叫Parsons，Year 3 Final Year E&F，你地兩位點稱呼？」
Wade好大聲咁話：「我叫Wade，讀TQE，年頭同林書生都喺荷蘭Exchange果陣識既。」巧過鄧小巧，咁都會撞到Wade做我Toiletmate。
「我叫林書生，同Parsons同班既，有玩水會。」我同陽光型男仔自我介紹。
「我叫Felix，都係Yr 3Final Year讀Marketing，我都有玩水會，今年做Purple組爸。。」佢呢種陽光種喺水會都比較常見，我就真係唔太認得。
原來我地喺DSE年代，都係少數僅餘既末代既AL生。唔知SRO分Hall既時候，會唔會考慮埋呢D因素呢？
「我地今年無玩水會O camp了。」Parsons話：「我今年玩商院O Camp，臨Grad先黎玩命上莊。」
喺我Summer Chur緊GE course同埋煩緊Michelle單野果陣，Parsons就去咗玩商院中O，玩完仲好熱血話要去上莊，唔想俾自己既大學生涯後悔。
佢因為年紀最大，俾人揀咗做P。組莊果陣都有問過我一唔一齊上莊，但我自問份人鐘意自由，亦都無服務咁多位基本會員既熱誠，所以都拒絕咗。
黎緊佢又要曬莊，又要Pro P，應該會成日走堂，亦都係我努力上堂，還債幫返Parsons take attendance同埋抄Note既日子。好似講得太遠。
「Wade，乜你仲未Grad嫁咩？」我記得佢大我一年，應該Exchange完就Grad。
「鬼咩，Trans唔到Cred！咪Defer玩多年！」阿Wade答我。
「柒既要Defer！」我話。
Wade：「不過呢，Defer讀返Year 2既Course，班上面終於有返D似樣既女仔昅下，無咁Dry。」
「無圖無真相喎。」Parsons好快就加入對話。
Wade開咗一個女仔既Facebook，Profile Pic係著住白色長裙好斯文笑容好靦覥既Stephanie。
「喺毒男班入面，佢呢種樣算好女神啦！」睇相佢真係幾有氣質，唔知真人係咪都係咁呢？
「Stephanie？」我話。
Wade：「你識佢嫁？」
我：「唔識。不過我識佢條仔。」
Felix：「佢個樣都幾純品，似係一個好女仔。」
Parsons：「可能呢D女仔先最叻收兵～哈哈～我都係鐘意MK少少～」
Wade：「今個Sem試下去識佢媾佢先。」
我：「你個毒撚至多咪日日FF去媾佢！」
Wade：「收皮啦你！」
明明我唔識得Stephanie，但總係會喺唔同地方聽到佢個名，知道佢既事。佢既唔係我既朋友，我都唔係當睇明星咁睇佢，呢種感覺好奇怪。如果有機會既話，我都想去認識下佢，可能我同佢都會啱傾。
到夜晚上完堂返黎，門口貼咗張紙由Hall Tut寫住下星期一晚搞八樓既糖水會。我心裡暗暗期待下星期既來臨。
雖然同Toiletmate認識既經過好柒，但都算係一個順利既開始。