一個書生既Player故事: 二六零

一訓醒，電話就炸咗幾十個Group。即使條片入面從來無我個樣既出現，我都被好多人認出，我收到唔同朋友既PM，由大學中學既朋友都有，內容都盡係：「你黎嫁？」「你同Michelle....」「你同Michelle係SP定拍拖？」「Michelle正唔正？」或者Send條Link俾我，有D唔熟我又唔識Michelle既朋友喺Group開心Share呢個Post，評頭品足。

反而係云云既人海之中，只有江柏琪係無搵我，佢有Follow到Michelle既IG，見到Michelle出晒Post話已經報警處理，無理由會唔知嫁？

多年來辛苦建立既美好形象，而家千年道行一朝喪。

而我一概都無回覆，我唔想講大話，亦唔想浪費時間續個去解釋。反正無論我講D乜，D人都係拎黎做話題。

 
Michelle喺各大網站既Post，一開頭管理員都無理會我地既E-mail。直到我同Michelle續家續戶打電話、上門搵佢地既管理人軟硬兼施，疲勞轟炸，事隔咗足足一個星期，先至可以將相關既Post Delete晒。


 
Facebook、Whatsapp廣傳果D已經理唔到，人傳人既威力真係不容忽視。重要新聞無人理，同你講正經野無人會討論，壞消息就瞬間傳千里。到底係香港人淨係鐘意睇花邊新聞，定係太多花邊新聞令到佢地淨係會睇無聊野，真係一個雞先定蛋出現先問題。

好彩既係，知道係我既朋友都無爆我大獲放上網，我既屋企人應該唔知道我發生件咁既事。

話就話香港人好善忘，我其實唔同意。只可以話一單新聞減少討論既原因，係因為有另一單新聞既出現，因為Michelle之後，格離學校又有想搏出位既女仔自貼裸照而紅起來，各大論壇既熱門貼文又轉咗其他人了。

我一路都有陪下Michelle，一直到九月開Sem，見佢情緒都開始穩定返，我都放心晒。因為呢件事，我同Michelel共患難完之後，感情好似深厚咗，由「分手」無聯絡變返可以傾計既朋友，都算係意外收獲。

我以為事件好快會告一段落，身邊既人好快會唔記得。但真係大錯特錯，呢件事對我形象既影響都好大，只要你衰過一次，就永遠都翻唔到身。我有時都想像唔到Michelle受既壓力到底有幾大。



喺學校，只要見到人望住我口Up up，我都會覺得佢地係講緊我。

「你呀，小心D唔好俾林書生個靚仔樣呃到呀！痴埋佢度，因住渣都無得淨呀。」上堂既時候，聽到離我好幾排後面既女同學喺度講。

「D人話認得把聲係佢。我都估唔到佢係咁既人。。」

「佢地係乜野關係呢？SP？」

「唔知呀。我唔識佢。之前睇Michelle既IG，佢淨係Share過林書生喺Story度，應該唔係拍拖。」



「Michelle身邊D男仔換黎換去，緊係唔Post啦。」

「咦，點解而家Search唔到Michelle既IG既？」

「佢係咪Delete咗或者改咗AC名？」

「Search唔到。應該Delete咗啦。」

「以後無靚相睇啦。」

Sorry，唔係覺得，係真係講緊我地。

呢個時候我只希望自己係聾，乜野都聽唔到就最好。



Parsons只係笑笑口同我講：「下次食女記住唔好拍片啦！」

而靜宜份人好有口德，都唔會講我是非，佢地兩個就好似我既避風塘咁，令到我好安心。

有咁既同班同學，我好感恩嫁啦。


係開學個幾禮拜之後，我收到學校既通知，就係我有Hall住，佢係全校最癲果個Hall，而且我Roomate仲派咗俾填Preference既Parsons！諗起都好玩！

因為Michelle件事，我有一刻諗過不如唔好住Hall。

但Turnout我無，我Accept咗Offer仲立刻交咗錢，我唔想自己後悔。

因為咁既理由而無咗自己既Ulife，太廢了！