一個書生既Player故事: 二二零

「咁遠。。順風車都未必截到。。」我同Michelle講。

「我有間Airbnb既屋喺近海果邊，距離呢度大約十五分鐘距離，一係你地去訓一晚？」個女人話。

我同Michelle對望，似乎都無第二個選擇，而我都唔想浪費呢個大好機會返去。

「好呀唔該你。」我同個女人講。

個女人叫Grace Sxxxx，佢帶住我地由現代豪宅區，行返去剛才既紅磚小屋區。



穿疏於街道，去到一條隱閉既窄巷。

喺一間明顯特別古老既倒三角屋頂小屋門口，Grace將條鎖匙插入易匙孔，好大力咁推一下門先至開到鎖。

一入屋就見到個迷你客廳，好似香港百零呎既單位咁，唔算寬敞。

屋企入面全木既裝修同傢俬，仲有個鹿頭掛係牆，感覺復古。

「呢間屋好復古！」Michelle感嘆。



Grace聽到後話：「依間屋1897年起到而家嫁啦，緊係老爺。同媽媽一齊住，後來我結婚就同先生買咗頭先果面既大屋。」

「樓上係寢室，如果覺得凍可以係櫃度拿多張棉胎被。廚房用具可以隨便用。最重要係，用完野要洗返乾淨，房間全面禁煙。」

「咁租費果度？。。」Michelle問。

「免費。」

「唔係咁好既！」Michelle話。



Grace諗咗一諗：「It's fine. 本來係租出去，但今日無預到有客人無買早餐同其他野食。」

「一係半價，唔俾錢個心過意唔去。」

其實我覺得人地都Free俾你，洗乜仲要俾錢。

「OK. 你上Airbnb search陣間俾錢啦，記得俾返個好評我。Haha！」Grace話。

「好呀唔該晒你！」

「有咩事打俾我！聽日Check out放底鎖匙係門口個信箱度得啦。Weekend聽日好多人入黎Volendam，好熱鬧嫁，Have fun！」

就係咁，我同Michelle就誤打誤撞黎咗呢間地區小屋體驗生活。

突然變得寧靜既房間。



「出去食個晚飯先？」我提議。